პოლონეთის ქალაქ „Lidzbark Warminsk“-ში უნიკალურ გზას შეხვდებით: საველოსიპედო ბილიკს, რომელიც ღამით ანათებს. ის დამზადებულია ისეთი მასალისგან, რომელშიც ფოსფორია გამოყენებული. მსგავს სინთეტიკურ მასალას მანათობელ ჯოხებსა და სხვა, მსგავს ნაწარმში იპოვით. ფოსფორს ენერგიას სხვადასხვა სახის რადიაცია აძლევს (მათ შორის მზის შუქიც). ეს ენერგია ინახება, შემდეგ კი ვიზუალურ სინათლედ გვევლინება, რომელიც ხანგრძლივი დროის განმავლობაში ძლებს. მას შეუძლია სხვადასვხა ფერის გამოსხივება. პოლონეთის ამ ქალაქში კი ცისფერი აირჩიეს - ეს ფერი ახლოს მდებარე მდინარეს შეესაბამება. პროექტი შეიქმნა „TPA” ჯგუფის მიერ. მათი თქმით, ფოსფორი ნათებას 10 საათის განმავლობაში ინარჩუნებს, დილით კი კვლავ „იტენება“. 100 მეტრის სიგრძის ბილიკი ერთი მეტრის სიგანის სექციებად არის დაყოფილი - ერთი ველოსიპედისტებისთვის და სხვა - ფეხით მოასიარულეებისთვის. მთლიანი პროექტი 31 000 დოლარი დაჯდა.

ზუსტად ამგვარ საველოსიპედო ბილიკს ჰოლანდიის პატარა პროვინცია ნურდ ბრაბანტშიც შეხვდებით, სადაც ცნობილი მხატვარი ვინსენტ ვან გოგი დაიბადა და გაიზარდა. კილომეტრიანი მონაკვეთი იმ პატერნს ანათებს, რომელიც მის 1889 წელს შექმნილ ნახატთან, ღამის სცენასთან არის დაკავშირებული. მანათობელი ბილიკის დიზაინი ჰოლანდიელ დიზაინერ დაან რუზგარდს ეკუთვნის. როგორ ის ამბობს, განათების ეს მეთოდი ვიზუალურად მისაღები და ბუნებით გარშემორტყმულია. განათებული ინფრასტრუქტურა კულტურულ ისტორიასთან არის დაკავშირებული. პროექტისთვის გამოიყენეს ახლომდებარე მზის პანელი, რომელიც ენერგიას განათებული ზედაპირისთვის წარმოქმნის. ამაზე „Heijmans”-ის ფირმამ იზრუნა. ლედ განათებები კი ბილიკის ყოველ მონაკვეთშია დამატებული და გზას დამატებით სინათლეს აძლევს. ეს იმის გარანტიაა, რომ საველოსიპედო ბილიკი იმ შემთხვევაშიც იქნება ნაწილობრივ განათებული, თუ ამინდი საგრძნობლად შეიცვლება და ზედაპირის პანელის დატენვა შეუძლებელი იქნება. „ეს არის ახალი სისტემა, რომელიც დამოუკიდებელი, პრაქტიკული და პოეტურიც კია“, -ამბობს რუზგარდი. საველოსიპედო გზა, რომელიც ნუენენიდან ეინდჰოვენამდე უსაფრთხოდ გამგზავრებთ, ენერგოეფექტურია. მომავალში გეგმავენ, რომ შექმნან ისეთი გზები, რომლებიც ელექტრონულ ველოსიპედებსაც ავტომატურად დატენის, მძღოლებს კი ყინულიანი ზედაპირის შესახებ გააფრთხილებს.