დღეს სულ უფრო მეტი ადამიანი დასასვენებლად წავსლისას ირჩევს მინიმალურ ფართს, სადაც შესძლებს განთავსებას და საჭირო ნივთების განლაგებას. სხვა სიტყვებით, რომ ვთქვათ დიდი სახლები ბევრ მოვლას, ხარჯს საჭიროებენ, როცა პატარა ფართში, ზედმეტი ენერგიის და ფულადი სახსრების ხარჯვის გარეშე, შეგიძლია არანაკლები კომფორტი მოიწყო. იმისთვის, რომ ოჯახმა კარგად დაისვენოს საჭიროა ორი ოთახი და სტუდიოს ტიპის მისაღები. პატარა სახლების აუცილებელი პირობა ფუნქციურობაა. ესაა ადგილი სადაც მარტივად და მსუბუქად უნდა გაატარო დრო. თუ თქვენ მიწის ნაკვეთი გაქვთ და ვერ გადაგიწყვეტიათ როგორი სახლი აიშენოთ ჩვენ მიერ შემოთავაზებული პროექტები ნამდვილად დაგეხმარებიან მომავალი სახლის დაპროექტებაში. გაითვალისწინეთ ისიც, რომ პატარა სახლების უპირატესობა მათი დაბალბიუჯეტიანობაა, როგორც მშენებლობის დროს, ისე მთლიანად არსებობის განმავლობაში. თქვენ ნაკლები დანახარჯით შეგიძლიათ შექმნათ მყუდრო საცხოვრებელი გარემო, რომლის შენახვაც შემდგომშიც უფრო იაფი დაგიჯდებათ, ვიდრე დიდი სახლის. 

36 კვადრატული მეტრის სახლი მოძრავი სახლების კონცეფციას ამართლებს. ეს მიკრო შენობა არის მაღალი ხარისხის პროდუქტი, რომლის გადაადგილებაც შესაძლებელია. ვინ წარმოიდგენს,რომ ამ პატარა სივრცეში ორი საძინებელი ოთახის, ორი სააბაზანოს, მისაღები ოთახისა და სამზარეულოს მოთავსება შეიძლება? პატარა, მაგრამ კომფორტული სახლი დამზადებულია გადამუშავებული მეტალის გარესაკრავისა და ხისგან. კონკრეტულად, აქ გამოყენებულია თუთიისა და ტიტანის ფილები, რომლებიც ერთმანეთზეა გადახურული. სახურავზე რამდენიმე ფანჯარაა, რომლის დახმარებით ხდება მზის სინათლის სახლში გავრცელება და ვენტილაცია. ეს სახლი ექსტერიერისა თუ ინტერიერის მხრივ არის თანამედროვე და რურარული ტენდენციების ნაზავი. ინტერიერში ფართოდ შეხვდებით ბუნებრივ ხეს, რომელსაც ატმოსფეროში სითბო შემოაქვს. მეტალის სტრუქტურა კი მასთან ჰარმონიულად არის დაკავშირებული. 

ეს პატარა ეკო-სახლი კი იმ კლიენტისთვის აშენდა, რომელსაც არ უნდოდა ბუნებაში უხეშად ჩარეულიყო. არქიტექტორებმა (კომპანიიდან Max Pritchard Architect) გადაწყვიტეს აეშენებინათ მართკუთხა დიზაინის სახლი, რომელიც ხიდივით არის გადებული პატარა წყაროს ზემოთ. ეს ორიგინალური შენობა ავსტრალიაში მდებარეობს. სივრციდან კარგად მოსჩანს გარემო და შიგნით მყოფთათვის ისეთ შეგრძნებას ბადებს, თითქოს ისინი ხეებს შორის იმყოფებიან. ორი ფოლადის არტახი პირველად სტრუქტურას ქმნის. სახურავის მასალად პლანტაციის ფიჭვია გამოყენებული, ხოლო კედლებზე - გადამუშავებული ფოლადი. ზამთრის სიცივის დროს ჩრდილოეთის მზე შავ ბეტონის იატაკს ხვდება, რომელიც ამ სითბოს ღამითაც ინახავს. კედლებსა და სახურავზე ორმაგი მინის ფანჯარაა გაკეთებული, რომელიც სითბოს ინარჩუნებს. ზაფხულში სიგრილეს ჭერზე დამაგრებული ვენტილატორები და ღია ფანჯრების კომბინაცია იძლევა.