ინსტალაცია #5 ურბანული „ავეჯია“ რომელიც თეირანში, მელატის პარკში მდებარეობს. პროექტი ერთი ჩვეულებრივი სემინარიდან დაიწყო. თანამედროვე არქიტექტურის ასოციაციის დირექტორი მაჰდი კამბუზია მონაწილეებს, სტრუქტურული კაბელის და მათი ფუნქციურ სივრცეში დანერგვის შესახებ ესაუბრებოდა. საბოლოოდ, პროექტისთვის შვიდი ირანელი სტუდენტი შეირჩა. ეს არის მოძრავი ფოლადის სექციები, რომლებიც ერთმანეთთან ასევე ფოლადის კაბელებით არის დაკავშირებული. ამ დელიკატურ, ჭიმვად, რთულ სტრუქტურას ბეტონისა და ფოლადის საფუძველი ამაგრებს.

სიაში რუსი სტუდენტების მიერ შექმნილი სარკის პავილიონიც მოხვდა. სამარას ტექნიკური უნივერსიტეტის ოთხმა სტუდენტმა მდინარის სანაპიროზე ხის სტრუქტურა ააშენა, რომელიც სპეციალურად ვოლგაფესტის 2017 წლის ფესტივალისთვის შეიქმნა. ეს შენობა მხოლოდ ერთი მხრიდან არის გახსნილი, მეორე დაბოლოება კი ვიწრო ყვითელ კარს მოიცავს. კონსტრუქციის ამრეკლავი ფორმა სიმბოლოა იმ საზღვრის, რომელიც ბუნებასა და შენობას ჰყოფს

„Noche en Blanco“ ( „ღამე თეთრში“) უმნიშვნელოვანესი დღესასწაულია ესპანეთში. მის აღსანისნავად „G+K Archstudio“-ს სტუდენტებმა გადაწყვიტეს ქალაქისთვის ეფემერული გამოქვაბული შეექმნათ. ეს უკანასკნელი ქსოვილების გამოყენებით ააშენეს. დღესასწაულის მთავარი თემა ოცნებაა - მდგომარეობა, როცა რეალობისა და ფანტაზიას შორის გამყოფი ხაზი ბუნდოვანია. ამ „რეალობაში“ ადამიანებს ნავიგაცია და საკუთარი გრძნობების გაგება თავისუფლად შეუძლიათ.

ეს შავი სწორხაზოვანი მოცულობა ზიონის მოედანზე, იერუსალიმის გულშია გადაჭიმული. სტრუქტურა მრავალფუნქციური ხეივანისთვის ექსპრომტად შეიქმნა. პროექტი სამმა სტუდენტმა შექმნა. ამ სტრუქტურაში ლექციების, კონცერტების, ვიდეო-ჩვენებების, თეატრალური წარმოდგენების ჩატარება თავისუფლად შეიძლება. ყველაზე განსაკუთრებული ამ პროექტში არის ის, რომ სტრუქტურა დღის განმავლობაში სრულიად გამჭვირვალეა, ღამით კი ავტომატურად ხილვადი ხდება.

ამერიკული ღია თეატრის პავილიონი სტუდენტების ჯგუფმა ელენა მასისა და ანჯელა კარპენტერის ხელმძღვანელობით მოაწყვეს. ეს არის სარკისებრი კონსტრუქცია, რომელიც განკუთვნილია ღია ცის ქვეშ თეატრალური წარმოდგენებისთვის. ეს უკანასკნელი კი თანამედროვე ტექნოლოგიით - სმარტფონებით იმართება. სტრუქტურა კონსტრუირებულია ღია ნარინჯისფერის ფოლადით, რომელიც ლაზერით მილებად არის დაჭრილი. პროექტი აერთიანებს მე-16 საუკუნის იაპონურ, ხეზე მუშაობის ტექნიკებს.