კრემისფერი, სპილოსძვლისფერი ბუნებრივი ფერის მქონე თეთრი კანის მსგავსია. ის უნდა შეუხამოთ შემდეგ ფერებს: მოკოსფერს, შოკოლადისფერ ჩრდილებს, რუხ-იასამნისფერს, ნაცრისფერს, ტერაკოტისფერს, ღია ფორთოხლისფერს, ლურჯს. თუ თქვენი ოთახისთვის იყენებთ სპილოს ძვლისფერს, რომელსაც ცივი თეთრი ჩრდილები აქვს (ხშირად იყენებენ ნაბეჭდ პროდუქტებზე), კონტრასტისთვის შემდეგი ფერები შეუსაბამეთ: შავი, ნაცრისფერი, მოყვითალო მწვანე, იასამნისფერის ღრმა ჩრდილები. კრემისფერ-ყავისფერ სპილოსძვლისფერს კი შემდეგი ფერის ჯგუფი მოუხდება: მუქი ყავისფერი, რუხი მწვანე, რუხი ლურჯი, ვარდისფერის ცივი ჩრდილები, სუფთა ყვითელი. ატმისფერი აივორი არაჩვეულებრივად გამოიყურება შემდეგ ფერებთან: ყავისფერი, ნაცრისფერ-ცისფერი, ღია ფორთოხლისფერი. მოვარდისფრო სპილოს ძვალი ჰარმონიული იქნება ყავისფერთან (შოკოლადისფერი ტონით), ნაცრისფერთან და ვარდისფერთან. სპილოსძვლისფერსი მთავარი დადებითი თვისება ისაა, რომ ის მრავალი წლის გასვლის შემდეგაც კი არ მოგბეზრდებათ. ეს ფერი შეგიძლიათ შეარჩიოთ, როგორც ავეჯის გასაფორმებლად, ასევე ტექსტილის დეკორირებისთვის. თავად ეს ფერი კი ნეიტრალურია და ამიტომ ასე მარტივად ეხამება თითქმის ყველაფერს.

მისაღებ ოთახში კედელზე სპილოსძვლისფერს თუ გამოიყენებთ, შემდეგ კი დიზაინის განახლება გენდომენათ, შეგიძლიათ ტექსტილის (ფარდებისა თუ დივანის ბალიშების) ფერი მარტივად შეცვალოთ. რაც შეეხება მატერიებს, მაგალითად, რძისფერი-თეთრი ჩრდილის მქონე სპილოსძვლისფერი ჰარმონიულ კონტრასტში მოდის ხის მასალებთან. თუ თქვენს მისაღებ ოთახში ამ ფერში გადაწყვეტილი დიდი ზომის კუთხის დივანი და რამდენიმე სკამი გაქვთ, ეს სივრცის ფერის პალიტრაზე დიდ გავლენას მოახდენს.

სპილოს ძვლისფერი განსაკუთრებით შეესაბამება საძინებელ ოთახს. ამ უკანასკნელში ხომ მშვიდი და რელაქსაციური გარემო უნდა იყოს. თუ გეშინიათ, რომ ამ ნათელი ფერით ეს ოთახი გადაიტვირთება, მაშინ ის ფანჯრების რაფისთვის ან საწოლის გადასაფარებლისთვის გამოიყენეთ. თუ თქვენი საძინებელი სამხრეთ ან სამხრეთ-დასავლეთ მხარეს მდებარეობს, უმეტესი დრო ეს სივრცე განათებულია, ამიტომ სპილოსძვლისფერს ღია ლურჯი ჩრდილები შეუსაბამეთ.