ოფისებში მზის შუქის ფართოდ გამოყენება ყველაზე ეფექტური საშუალებაა შრომის დონის ასაწევად. ასევე მას დადებითი ზეგავლენა აქვს ჩვენს ენერგეტიკულ დონეზე. დიდი თუ სახურავზე დამონტაჟებული ფანჯრებით, თქვენ შეგიძლიათ მოახდინოთ უსიამოვნო სუნის, სოკოს სხვადასხვა ფორმისა და ბაქტერიების პრევენცია. ეს ასევე საუკეთესო გზაა ენერგოეფექტურობისთვის და არა მარტო... ზედმეტი ხარჯების შესამცირებლად. როგორც უკვე აღვნიშნეთ, დღის სინათლით სავსე სახლში, თბილი და მშვიდი ატმოსფეროა. დღის განმავლობაში, მზე ცვლის ოთახის ფერსა და ფორმას. მინის გამოყენება ყველაზე კარგი ვარიანტია სახლში დღის სინათლის გასავრცელებლად. გვერდითი მოვლენების ასაცილებლად (სითობს მომატენა ან პირიქით) უნდა შეარჩიოთ ენერგოეფექტური მინა, გამოიყენოთ დაჩრდილვის ტექნიკა და ფანჯრები სწორად განათავსოთ.

რომაელები მზის შუქს, როგორც მასალას (მაგალითად, ქვა ან აგური), ისე იყენებდნენ. მიზანი ერთი იყო: სივრცე გაეზარდათ. სახლებში სინათლე იყო ინტერნალური და პერიფერიაზე არ ფოკუსირდებოდა. სახლის პატრონი კი მას თავის სტუმრებს ისევე უზიარებდა, როგორც, დავუშვათ, ავეჯს. ამგვარი შედეგის მისაღწევად, რამდენიმე გზა არსებობს: გაზარდოთ სახურავის სექცია, ისე რო მის ორივე მხარეს ფანჯრები იყოს. პატარა სახლებში კი ინტერიერის ფანჯრები ან მინები კედელშივე უნდა ჩაამონტაჟოთ. ეს განსაკუთრებით კარგად მუშაობს აბაზანასა ან საბავშო ოთახში, ანუ, იქ, სადაც გსურთ სინათლის და არა ხმის გადატანა. სინათლის დაბალანება მნიშვნელოვანია. თუ ოთახში მზის შუქი მხოლოდ ერთი მხრიდან შემოდის, ის სიკაშკაშეს ქმნის, ხოლო ჩრდილებს სივრცის უკანა ნაწილში „გადაისვრის“. ამიტომ ეს მხარე ჩაბნელებულია ხოლმე. დიზაინერები გვირჩევენ, რომ განათებული ოთახებისთვის, ფანჯრები ჭერამდე უნდა გავზარდოთ.

სინათლის კონტროლი უნდა შეგვეძლოს. თბილი კლიმატის გამო, ზაფხულში, სახლში დამონტაჟებულმა ბევრმა ფანჯარამ შეიძლება დისკომფორტი შეგვიქმნას. ფარდებისა და ჟალუზების დაყენებით კი სინათლის კონტროლი შეგეძლებათ.