ჰალა რანჩო ყველაზე ძვირად შეფასებული ხის სახლია. ის კოლორადოში, ასპენის მთიან კურორტზე შეგხვდებათ. სახლი აშენებულია არქიტექტურული ფირმის „Hagman Yaw“-ის მიერ 1991 წელს. ფორბსის ჟურნალის მიერ, ჰალა რანჩო ყველაზე ძვირადღირებულ სახლად არის შეფასებული მთელი ამერიკის მასშტაბით. შენობას აქვს მექანიკური მაღაზია, თავისი ბენზინის ტუმბოებით და მანქანის სამრეცხაოთი. რანჩოს ცენტრალური ნაწილი თეთრ სახლზე უფრო დიდია. ის აშენებულია მასიური ხე-ტყისა და ქვის სვეტებისგან. აქ შეხვდებით 15 საძინებელს (ყველა თავისი შიდა ეზოთი) და 16 სააბაზანოს. 

 გრანდიოზული ზომის მიუხედავად, სახლის თითოეული ოთახი ინტიმურ გარემოს ქმნის. შენობის ინტერიერში აუცილებლად შეამჩნევთ წითელ ხესა და ბრინჯაოს ტექნიკას. ასევე, ვიტრაჟულ მინებს და შეშის ბუხარს. სტუმრების ოთახი გადაჰყურებს ჩანჩქერსა და ბასეინს. 

ჰალა რანჩო მოიცავს კომერციულ სამზარეულოს, სათევზაო აუზს, ბადმინტონისა და ტენისის მოედანს, საცურაო აუზსა და უსაფრთხოების დახვეწილ სისტემას. სახლში შესვლამდე, შეხვდებით ჩანჩქერს და დიდი გრანიტისგან დამზადებულ სკულპტურას, სადაც „hala“ იკითხება. ეს არაბულ ენაზე მისალმებას ნიშნავს. რანჩოს ტერიტორიაზე ათასობით ფიჭვისა და ვერხვის ხეებია გაშენებული. ფანჯრებიდან კი ულამაზესი პანორამული ხედები იშლება.

27 მილიონად შეფასებული ‘Belz Chateau“ კი ცხოველთამოყვარულების გულს მარტივად მოიგებს, რადგან აქ ძაღლების აბაზანასაც კი გადააწყდებით.

6 საძინებელი ოთახი, 6 სააბაზანო და, რა თქმა უნდა, შიდა ეზოები. ეს ყველაფერი არაა. ადგილი მოიცავს თეატრებს, საუნას და ღვინის გროტებს. „Belz Chateau“ მდებარეობს მონტანაში, „დიდი ცის“ სოფელში, სადაც გალატინის ეროვნულ ტყეა. სახლის ინტერიერი შემუშავებულ იქნა ბოლოდროინდელი აუდიო და ვიზუალური ტექნიკური აღჭურვილობით. ის შეიცავს ყველაზე თანამედროვე დაცვის სისტემას და პირად სათხილამურო ხიდსაც კი.

სახლში დაგხვდებათ ორიგინალური მინის კოლექცია და ისეთი არტისტების ნამუშევრებს, როგორებიცაა: ტომას სკუნი, ზორა პალოვა, კიტ კლეიტონი, რიჩარდ ჯოლი, ვილიამ დე ბილზანი და ასე შემდეგ. შენობის ექსტერიერი მოიცავს გარე ეზოებს, ეზოს ბუხარს და მომაჯადოვებელ აუზს. აღსანიშნავია ის ფაქტი, რომ „Belz Chateau“-თვის 5 წელი აგროვებდნენ მსოფლიოში ყველაზე ძვირფას მატერიებს, უმაღლესი დონის საცხოვრებელი გარემო შეექმნათ.