ესპანური ინტერიერის დიზაინში კედლები უბრალოა. აქ შპალერი არავითარ შემთხვევაში არ გამოიყენება. კედლებზე ტექსტურული ან ხელოვნური დაბოლოებების შექმნა ზუსტად შეესაბამება ესპანურ სტილს. ეს ორი სხვადასხვა გზით შეგიძლიათ მიიღოთ: გამოიყენეთ სხვადასხვა ტიპის ღრუბელი ან ფუნჯი, რომელთა საშუალებით ერთი ფერის, სხვადასხვა ტონს კედელზე დაიტანთ. ასევე შეგიძლიათ გამოიყენოთ სპეციალური საღებავი, რომელშიც პოლიმერსა და ცემენტზე დამზადებულ პლასტერს აურევთ. ეს კედელზე წაუსვით, შემდეგ კი 100 პროცენტიანი აკრილის საღებავს ორ ფენად გადაუსვით. ამით შებათქაშებული კედლის ეფექტს მიიღებთ.

ხალიჩების გამოყენება ესპანურ ინტერიერში იშვიათად გვხვდება. მათ ნაცვლად ფარდაგები გამოიყენება ხოლმე. მაგრამ თუ ხალიჩა გსურთ, შეარჩიეთ კრემისფერი, რომელსაც მწვანე ან ყვითელი ხაზოვანი დიზაინი ექნება. ესპანური დიზაინის იატაკის ტრადიციული მასალა მერქანია. ეს უკანასკნელი ძვირია, თუმცა ფილებთან შედარებით თბილია და ლამაზადაც გამოიყურება. ფილები ხელმისაწვდომი ვარიანტია. თუ ტერაკოტისფერ, ან კერამიკულ ფილებს აირჩევთ, ეს ნამდვილად კარგი არჩევანი იქნება.

ესპანური ინტერიერის დიზაინი გვაძლევს იმის საშუალებას, რომ სინათლე და სივრცე კარგად ავითვისოთ და ზედმეტი ავეჯი არ დაგვჭირდეს. რაც შეეხება ავეჯს, ის უნდა გაკეთდეს მუქი ხისგან ან გამომწვარი რკინისგან. მეორე მხრივ, მეორეული ან ნახმარი იერის ავეჯი თქვენს სივრცეში ესპანურ ატმოსფეროს შემოიტანს. მრავალფეროვანი ფარნები, სანდლები - ესპანური სტილისთვის დამახასიათებელია. სიტრონელას სანთლები კი ვიზუალურთან ერთად ფუნქციურიცაა: ის აფრთხობს მწერებსა და კოღოებს. რაც შეეხება აქსესუარებს, გამოიყენეთ გამომწვარი რკინის ფარდის ბოძები, კარის სახელურები თუ ჭაღები. მთავარია, ოთახი ბევრი ელემენტით არ გადატვირთოთ.