ჰამარსიდან რამდენიმე ასობით მეტრის მოშორებით ანგენი მდებარეობს, სადაც ბერგმანმა სოლიდური და ლამაზი რეზიდენცია ააშენა. ეს არის კლასიკური გოთლანდური სტილის საცხოვრებელი, რომელშიც დიდი ოთახები, უზარმაზარი ბუხარი და საოჯახო სასტუმროა. სახლი გარშემორტყმულია ყვავილების მინდვრებით. სახლში ორი დიდი და ერთი პატარა საძინებელი, ფართო მისაღები ოთახი და სამზარეულოა. საოჯახო სასტუმრო, „Drängstugan“, კი მოიცავს საძინებელს, სამზარეულოს, პირად აბაზანასა და მისაღებ ოთახს ზედა სართულზე.

ინგმარ ბერგმანის კიდევ ერთი სახლი დამბაა. ის ადრე ფერმა იყო, ხოლო 1854 წელს ულამაზეს სახლად გადააკეთეს. ბალტიის ზღვიდან მასთან მისასვლელად მხოლოდ რამდენიმე წუთია საჭირო. ის გადაყურებს მდინარე „Dämba träsk“, რომელიც გამოირჩევა თავისი ულამაზესი ლანდშაფტით. ბერგმანმა აქ მდებარე ფარდული საკუთარ კინო-თეატრად გარდაქმნა, სადაც ის ყოველდღე ფილმებს უყურებდა. დამბას მთავარი სახლი ორ დიდ საძინებელს, ორ მისაღებ ოთახს და ორ სააბაზანოს მოიცავს. ქვის ღობეები და იასამნები, უჩვეულოდ აყვავებული ბაღი, ლამაზი ყვავილების საწოლი და ხეხილი სახლს ბეჭედივით არტყია. აქ ასევე შეხვდებით ძველ ქარის წისქვილსაც - „Kvarnen”. ის გემოვნებიანად გადაკეთდა საცხოვრებელ ადგილად. ამ ადგილიდან განსაკუთრებით ლამაზად ჩანს მდინარე და გარშემორტყმული მინდვრები. ბერგმანის მფლობელოში ასევე ერთი პატარა კოტეჯი იყო, რომელსაც შემოქმედებითი სამუშაოსთვის იყენებდა. კოტეჯის გარშემო ფაროსთვის დამახასიათებელი ქვის ღობეებია. 1973 წლის ფილმიდან „ სცენები ქორწინებიდან“, კოტეჯი ჯოანისა და მარიანის შერიგების სცენას ფონად განსდევს.

ბერგმანს სიცოცხლეშივე სურდა, რომ მისი სახლი შემდგომ გაეყიდათ. პრობლემა იყო ის, რომ მყიდველად ის მდიდარ ადამიანს ან კომპანიას წარმოიდგენდა. შვედეთის მთავრობა კი სახლის ყიდვით საერთოდ არ იყო დაინტერესებული. ამით მხოლოდ 2010 წელს დაინტერესდნენ. ნორვეგიელმა არქეოლოგმა ჰანს გიუდე გუდესენმა ბერგმანის სახლი 4 მილიონ ევროდ შეიძინა. დღესდღეობით კი ეს ადგილი მასპინძლობს რეჟისორებს, მსახიობებს, შემოქმედებს და ჟურნალისტებს მთელი მსოფლიოს მასშტაბით.