ამ პროექტის შემქმნელი 58 წლის დევიდ მარტინი ამბობს, რომ პორტატული სახლი შეგიძლიათ გამოიყენოთ როგორც საცხოვრებელ სივრცედ, ასევე საკლასო ოთახად, ბიზნეს სივრცედ, მაღაზიად, თეატრად და მიგრანტების თავშესაფარადაც კი. შემდეგი ავეჯი: სავარძლები, სკამები, საწოლები და მაგიდები შეგიძლიათ ამ სივრცეში მოათავსოთ. ეს ყველაფერი სპეციალური ხელსაწყოების დაუხმარებლად დაიკეცება. მარტინისა და 4 ინჟინერისგან შემდგარმა ჯგუფმა 7 წელი და 4 მილიონი ევრო მოანდომა ამ პროექტის განხორციელებას. როგორც თავად მარტინი ამბობს, ამ ტექნოლოგიის მთავარი იდეა არის ის, რომ მას შეუძლია 100 000 ევროს ღირებულების სახლი ყველასთვის ხელმისაწვდომი გახადოს. ეს განსაკუთრებით ეხება მათ, ვინც კერძო მიწის ნაკვეთს არ ფლობენ. „Ten Fold hope“ შესაძლებელია მზის პანელებითაც აღიჭურვოს და ნებისმიერი ტრადიციული ინფრასტრუქტურული უპირატესობებით ისარგებლოს. მარტინს ეს იდეა საკუთარი შვილების თამაშის შემყურე მოუვიდა. როგორც აღმოჩნდა მისმა ჯგუფმა 6 პროტოტიპული შენობა ააშენა. ამათგან ერთ-ერთის მთავარი ინჟინერი როვან ზარკოვია. სამართავ მოწყობილობას მხოლოდ 18 ვოლტიანი ბატარეა მართავს. სახლის გახსნის სიჩქარე კი ინსტალირდება ისე, როგორც კლიენტს სურს. ზარკოვი ამბობს, რომ მომავლის პროტოტიპის გახსნა ხელით მარეგულირებელი ბერკეტით იქნება შესაძლებელი. ახლანდელი პროტოტიპი კი ამ პროცესისთვის 18 ვოლტიან პორტატულ დრილს იყენებს. საბოლოოდ, სახლის გახსნას სულ რაღაც 8-9 წუთი უნდა.

ამ სახლების დიზაინის ვიდეო სოციალურ მედიაში სწრაფად გავრცელდა. შემქმნელთა ჯგუფი იმედოვნებს, რომ სულ მალე ეს პროექტი მასობრივი წარმოების ლიცენზიას მოიპოვეს. აქვე აუცილებლად უნდა აღვნიშნოთ, რომ ამ დასაკეც სახლებში მარტივად დაატევთ მისაღებ ოთახს, სამზარეულოს, სააბაზანოს და საძინებელ ოთახს.