მაიკლ გრეივისის ერთ-ერთი ყველაზე შთამბეჭდავი ნამუშევარი ფერადი სასტუმროებია, რომლებიც დისნეის სამყაროსთვის შეიქმნა. დელფინისა და გედის სასტუმროები უოლტ დისნეის მსოფლიო კურორტზე, სამხრეთ ორლანდოში, 1980 წელს აშენდა. ნათელი ფერებისგან შექმნილი ექსტერიერი, თამამი გეომეტრიული დონეები და ცხოველის ფორმის ფრონტონები თემატურ პარკებსა თუ ატრაქციონებს ამრავალფეროვნებს. სასტუმრო შენობების ეს წყვილი დაახლოებით 2 მილიონი კვადრატული მეტრისაა. ისინი ტბის სანაპიროზე ერთმანეთის საპირისპიროდ დგას. ორივე მათგანი ერთრდოულად 2 200 სასტუმრო ოთახს, უზარმაზარ საკონფერენციო და სადღესასწაულო აღჭურვილობას მოიცავს. დისნეის ამ პროექტისთვის, გრეივსმა გადახედა უძველეს ხელოვნებასა და არქიტექტურას, ისევე როგორც ლოკალურ ლანდშაფტსა და კლიმატს. ზუსტად ამ კომბინაციამ ეს უნიკალური შენობები შექმნა. უზარმაზარი დელფინის სასტუმროს ცენტრში გიგანტური სამკუთხედის ელემენტია განთავსებული. 4 გამოყოფილი ფრთა შენობას წყლისკენ „უბიძგებს“. ორივე სასტუმროს ფასადი დეკორირებულია დიდი ზომის პატერნებით. ბანანის ფოთლები დელფინს ფარავს, ხოლო აბსტრაქტული ტალღები კი პატარა გედზეც კი შეიძლება იპოვოთ. სახურავი ორნამენტული ცხოველებით არის დაფარული, რომლებიც შენობების სახელებს შეესაბამება. ეს სტუმრებს ორიენტირებაში ეხმარება.

პორტლენდის შენობა გრეივისის ყველაზე გამორჩეული ნამუშევარია. ის 1980 წელს აშენდა, მაშინ როცა პოსტმოდერნიზმი ამერიკაში ნელ-ნელა ფეხს იკიდებდა. ეს შენობა, შეიძლება ითქვას, იყო პირველი პოსტმოდერნული ნაგებობა, რომელსაც საჯარო ფუნქცია ჰქონდა. 15-სართულიანი სტრუქტურა უამრავ ოფისს მოიცავს. შესასვლელში ბიზნესის ქალღმერთის, პორტლენდიას, კლასიკური სტილის სკულპტურა გხვდებათ. გრეივისი ცდილობდა ეს პროექტი ბიუჯეტური გამოსვლოდა. ამიტომ მიუხედავად დიდი სურვილისა, ფასადი პრიალა ტერაკოტაში აგებულიყო, მან ბეტონი და ბოჭკოვანი მინა შეღება, შემდეგ კი ისინი გარსაკრავისა და დეკორატიული ელემენტებისთვის გამოიყენა, მთლიანად პროექტი 22.4 მილიონი დოლარი დაჯდა. მიუხედავად იმისა, რომ ეს შენობა დღესდღეობით არც ისე დიდი ჩანს, მაშინ ეს რადიკალურ ნაგებობად ითვლებოდა, ამიტომ 1983 წელს პორტლენდის შენობამ ამერიკის არქიტექტორთა ინსტიტუტის საპატიო ჯილდოც მოიპოვა.