„Parker Palm Spring“-ის სასტუმრო 50-იანი სტილის შენობის რეკონსტრუქცია ჯონათან ადლერს ეკუთვნის. „ვეცადე შემექმნა რამე, რაც დროს გაუძლებდა, მაგრამ ასევე ინსტაგრამის ხანაში იქნებოდა რელევანტური და პროვოკაციული“, - ამბობს დიზაინერი. სასტუმროს მართლაც რომ ეტყობა მისი მხიარული და მოურიდებელი დიზაინი. „სასტუმროს დიზაინი ბოლომდე მე-20 საუკუნეში ჩარჩენილი არ იყო, მაგრამ აქ ვხვდებოდი გარკვეულ სივრცეებს, რომლებსაც ამოვსება სჭირდებოდათ“, - აცხადებს ადლერი. ამიტომ მან შენობას ბრინჯაოს ბანანის სკულპტურა დაუმატა, რომელიც სასტუმროს მთავარ გაზონზეა განთავსებული. მისი სიგრძე 2 მეტრს აღწევს. ხალიჩის ადლერისეული დიზაინი კი ინსპირირებულია ფილმი „ნათებიდან“. ვილა, 2 საძინებელი ოთახის გარდა მოიცავს ახალ სასადილო ოთახს. აქ განთავსებული ავეჯი ადლერის საწარმოო ხაზიდან არის აღებული. კარიკატურულ მაგიდას ჰარმონიულად ერწყმის ფორთოხლისფერი, მატყლისგან და სპილენძისგან დამზადებული სკამები, ხელით მოქსოვილი შევრონის პრინტიანი ხალიჩები. ადლერი სასტუმროს ექსცენტრიულად და გლამურულად ახასიათებს.

დიზაინერ, ლიზ ლანჯეს სახლისთვის კი ჯონათან ადლერი ღია ფერებს იყენებს. ავეჯისა და აქსესურაების უმეტესობა ადლერის დიზაინის მიხედვით არის შექმნილი. მათ შორისაა: მისაღებ ოთახში დივანი, ნაძვისებრი ხალიჩა და შავი ტყავის სავარძელი. „მეოცე საუკუნის შუა ხანის მოდერნიზმი აღმაფრთოვანებს“, - ამბობს ადლერი და სახლისთვის სასადილო მაგიდის უჩვეულო კონცეპტი შეიმუშავა - ეს არის 1966 წლის მაგიდა ჩინურ სკამებთან ერთად. ჭაღი 1970 წელს არის დამზადებული. ფარდები კი იმ მატერიითაა შეკერილი, რომელიც მისაღებ ოთახში დივანისთვისაა გამოყენებული. ადლერს სურდა მისაღებს სუფთა, ბრინჯაოსფერი შესახედეობა ჰქონოდა. ამითომ კედლები თეთრი ფერისაა, იატაკი კი - რძისფერი.