კარის ფორმის ჟალუზები მზადდება იმდენად სხვადასხვაგვარი მასალისგან, რომ ის შეგიძლიათ ნებისმიერი სტილის ინტერიერს შეუსაბამოთ. რა თქმა უნდა, ამგვარ ჟალუზებს როგორც პლუსები, ასევე მინუსებიც აქვს. განვიხილთ თითოეული მათგანი. მაგალითად, დადებითია ის ფაქტი, რომ კარის ფორმის ჟალუზები ინტერიერის დიზაინში სიახლეს შეიტანს. მისი დახმარებით ოთახს ეფექტურად და მოხერხებულად, ზონების მიხედვით, გაანაწილებთ. ასევე შეგეძლებათ აკონტროლოთ სინათლის ნაკადი. რაც შეეხება მინუსებს, ამგვარი ჟალუზები შემაწუხებელი ხმისგან ვერ დაგიცავთ. ამ მხრივ ხმის იზოლაცია საკმაოდ ცუდია. არის ნაზი კონსტრუქცია, რამაც შეიძლება გადაადგილებაში შეგიშალოთ ხელი. ყველაზე საიმედო ვარიანტი კი მეტალის ჟალუზებია, თუმცა ეს უკანასკნელი არცთუ ისე იაფი ღირს.

რსებობს სხვადასხვა ფორმის ჟალუზები. 1. ჰორიზონტალური - ეს არის სრიალა კონსტრუქცია. 2. ვერტიკალური - კარებისთვის ყველაზე პოპულარული ვარიანტია. მისი მასალა ძირითადად ქსოვილი და პლასტმასია. 3. გარმონი - დასაკეცი სტრუქტურა. 4. სტრინგი - დეკორატიული ჟალუზები, რომელიც ძაფებისგან იკერება და სინათლის კარგი გამტარია. 5. ანტივანდალური ჟალეზები - ტყდება ძნელად, აკონტროლებს ჰაერის მიმოცვლას და სინათლეს, აქვს დეკორატიული ფუნქცია.

კარის ფორმის ჟალუზები სხვადასხვა მასალისგან მზადდება. ფინანსური შესაძლებლობებისა და გემოვნების მიხედვით თქვენთვის შესაფერისი ვარიანტის მოძებნა მარტივად შეგიძლიათ. ალუმინის ჟალუზი თავისი გამძლეობით გამოირჩევა. ასევე მისი მოვლა და გასუფთავება ჩვეულებრივი საპნითა და პირსახოცით შეგიძლიათ. პლასტმასის ჟალუზები კი ოთახს აბსოლუტურად ჩააბნელებს. განსაკუთრებით კარგია ისეთი ოთახებისთვის, სადაც მაღალი დონის ტენიანობაა. ხის ჟალუზები, შესაბამისად, ხის ჟალუზებისგან მზადდება და ეკოლოგიურად სუფთაა. რკინის ჟალუზი მაღალხარისხიანი მასალისგან მზადდება. იშვიათია მისი დაჟანგვა. სილიკონის ჟალუზები კი სამრეწველო ნაგებობებისთვის იდეალურია, რადგან ისინი ნებისმიერ ტემპერატურას უძლებს.

სანამ კარის ფორმის ჟალუზებს დაამონტაჟებთ, უნდა იცოდეთ, სად განათავსოთ ისინი. მაგალითად, არაჩვეულებრივი იდეაა, თუ კარადაში ხის ჟალუზებს დააყენებთ. ამით ტანსაცმლისთვის განკუთვნილ ცალკე ოთახს შექმნით. ბინის მაცხოვრებელები უპირატესობას ვერტიკალური და გარმონის ტიპის ჟალუზებს ანიჭებენ. ეს არაჩვეულებრივი ვარიანტია სივრცის დასაყოფად ისე, რომ ინტერიერის საერთო ფონი არ დაირღვეს. ჰორიზონტალური ჟალუზები კი მინის კომბინაციასთან ერთად ორიგინალურად გამოიყურება. საბავშვო ოთახისთვის ფერადი, ღია ფერის ჟალუზების შერჩევას გირჩევდით.