2017 წელს, ხალიჩის ფილების დაგების ტრენდი ნელ-ნელა ფორმირდება. ეს არის ძალიან პრაქტიკული და ფუნქციური სახეობა. მას ხშირად კორპუსის ბინებსა და ბავშვების ოთახებში ხმარობენ. რა არის მისი უპირატესობა? გაჭუჭყიანების შემთხვევაში არა მთლიანი ხალიჩის გამოცვლა, არამედ დაბინძურებული ფილის შეცვლა მოგიწევთ ხოლმე. ისინი მრავალი ფერისა და ზომის არსებობს, რაც თქვენს ოთახში კრეატიულ გარემო შექმნის. ბოლო 3-4 წლის განმავლობაში შეიმჩნევა გეომეტრიული პატერნის მქონე ხალიჩების პოპულარობის ზრდა. მოდურ ვიზუალთან ერთად, ის პრაქტიკულობით და გამძლეობით გამოირჩევა. მაროკოული გეომეტრიული დიზაინი (და მისი მიმსგავსებები) ასევე ძალიან პოპულარულია.

2017 წელს ხალიჩებისთვის ნაცრისფერი, ცივი და ნეიტრალური ფერებია პოპულარული. ეს შესაძლებლობას გაძლევთ, ოთახში აქცენტი ბალიშების, სურათების, საწოლის გადასაფარებლის, ფანჯრის გაფორმებაზე გადაიტანოთ. ასევე ცივი ფერების გამას მრავალი ფერი ესაბამება და მთლიანობაში კრეატიულ სივრცეს ვიღებთ. ნაცრისფერი ასევე პოპულარულია კედლის ხალიჩებისა და ფარდაგებისთვის. რაც შეეხება მატერიებს, პოპულარობით სარგებლობს ბამბა, სიზალი, ჯუთი. ყველა მათგანი საკმაოდ გამძლეა და არაჩვეულებრივია ოთახების შიდა ჰაერის ხარისხისთვის - ეს ნიშნავს იმას, რომ ისინი განსაკუთრებით გამოსადეგარია იმ ადამიანებისთვის, რომლებსაც ასთმა ან ალერგია აქვთ.

ბოლო დროს, მომხმარებელი ისეთ ხალიჩას ირჩევს, რომლებსაც ლაქებისა და ჭუჭყის კარგად დაფარვა შეუძლია. მაგალითად, ბერბერის ხალიჩები დაწინწკლულია, რითაც ლაქების კამუფლაჟი ხდება და სივრცეს მეტ ვიზუალურ ინტრიგასაც კი ანიჭებს. საძინებელი ოთახისთვის, 2017 წელს, მომხმარებლების აზრი ორად იყოფა. დაახლოებით 60 პროცენტი უპირატესობას ფარდაგით დაფარულ მერქნის იატაკს ანიჭებს, 40 პროცენტი კი - კედლის ხალიჩას. ეს უკანასკნელი განსაკუთრებით გავრცელებულია ცივი ქვეყნების მაცხოვრებლებში, რადგან ხალიჩას ოთახში რბილი და თბილი ატმოსფერო შემოაქვს. ხალიჩებზე ტექნოლოგია უფრო და უფრო წინ მიიწევს. მაგალითად, ზოგი მათგანი წყალგამძლეც კია. ამ შემთხვევაში წყალი არ აზიანებს არც ხალიჩის ქსოვილს და არც იატაკს.