საინტერესოა ისიც, რომ დედამიწაზე გამოყოფილი სათბური გაზების 75% ავტოტრანსპორტს უკავშირდება და რაც ყველაზე სამწუხაროა ეს მზარდი ტენდენცია მომავალში სავალალო შედეგებამდე მიგვიყვანს. სწორედ ამიტომაა აუცილებელი გავიაზროთ თუ რამდენად მნიშვნელოვანია ეკოლოგიურად სუფთა ტრანსპორტის წახალისება და საწვავზე მომუშავე ტრასპორტის შემცირება. მწვანე ტრანსპორტი არ გამოყოფს მავნე ტოქსინებსა და გაზებს, არის ეკოლოგიურად მეგობრული და დადებითად მოქმედებს ადამიანის როგორც ფიზიკურ, ისე მენტალურ ჯანმრთელობაზე. განვითარებულ ქვეყნებში უკვე აქტუალურად მიმდინარეობს მწვანე ტრანსპორტის წახალისება და მათი გამოყენება. თანამედროვე ტექნოლოგიების წყალობით ყოველდღიურად იხვეწება და ვითარდება ეკოლოგიურად სუფთა ტრანსპორტი. დრეს უკვე არსებობს ინოვაციური, მწვანე ტრანსპორტი, რომელიც იყენებს ისეთ განახლებად ენერგიებს, როგორიცაა ქარი, მზის ენერგია, ბიო საწვავი და ჰიდრო ელექტროენერგია.

რა თქმა უნდა სასიამოვნოა ყოველდღიურად საკუთარი ავტომობილით გადაადგილება, თუმცა რეალურად არაა აუცილებელი ყოველდღე თქვენი ავტომობილით იმგზავროთ. ჩვენ უნდა დავფიქრდეთ იამზე, თუ რამხელა ზიანს ვაყენებთ ჩვენს ირგვლივ არსებულ გარემოს და საკუთარ ჯანმრთელობას, მხოლოდ იმიტომ, რომ კომფორტულად ვიმგზავროთ. იმისათვის, რომ ჯანსაღი გარემო შევქმნათ უდნა გვქონდეს ჯანსაღი დამოკიდებულება ამ საკითხისადმი. ეკოლოგიურად სუფთა ტრანსპორტით მგზავრობა, საკმაოდ კომფორტული და მარტივია და მისი წყალობით არც, ისე პატარა მანძილის დაფარვაა შესაძლებელი. ჩაანაცვლეთ საწვავზე მომუშავე ტრანსპორტი ველოსიპედით, რომელიც საშუალოებსა მოგცემთ ყოველთვის შეინარჩუნოთ ფორმა და იყოთ ჯანმრთელნი. თუ ველოსიპედით სიარული გირთულდებათ, შეგიძლიათ ელექტრო ველოსიპედი სცადოთ, რომლის ასამუშავებლად მხოლოდ ელექტრო ენერგიაა საჭირო. ეკოლოგიურად მეგობრულ ტრანსპორტად ასევე ითვლება ელექტრო მოტოციკლეტი, მანქანა, მატარებელი რომლებიც საუკეთესოა სწრაფი გადაადგილებისთვის. თანამედროვე ტექნოლოგიებს წყალობით დღეს სულ უფრო დახვეწილი მოდელებია შექმნილი იმისათვის, რომ მწვანე ტრანსპორტით გადაადგილება მარტივი და კომფორტული გახდეს.

საკუთარ ჯანმრთელობასა და იმ გარემოზე ზრუნვა, რომელშიც ჩვენ და ჩვენი მომავალი თაობა იცხოვრებს, საკმარისი პირობაა იმისთვის, რომ ეკოლოგიურად სუფთა ტრანსპორტის გამოყენება დავიწყოთ. რა თქმა უნდა, მნიშვნელოვანია ისეთი ინფრასტრუქტურის შექმნაც, რომელშიც მარტივად შეგვეძლება ეკო ტრანსპორტის გამოყენება. ჩვენ ყველამ ერთად უნდა ვიზრუნოთ გარემოზე და ერთობლივი ძალებით დავნერგოთ მწვანე ტრანსპორტი უკეთესი მომავლისთვის.