თეთრი ფერის თაღს ამავე ფერის ვარდები საკმაოდ დახვეწილ იერს ანიჭებს. თუ თაღს რამდენიმე სექცია აქვს, მისი გამოყენება ფანჩატურივით შეგეძლებათ. დაამშვენეთ ის ნებისმიერი ჯიშის ვარდით და თქვენი დასვენების პროცესი ბევრად სასიამოვნო გახდება!

საინტერესო ვარიანტია, თუ ვარდებს კედლებსა და ღობეებს შორის დარგავთ. ვარდის ბუჩქებისგან შექმნილი ღობეები ულამაზეს ხედს ქმნის. ბაღის მსგავსი მოწყობა დიდ ხარჯსა თუ დროს არ მოითხოვს. თეთრი ღობის ფონზე ღია ვარდისფერი ვარდები ულამაზესად გამოიყურება.

შედარებით ძვირი სიამოვნებაა, ვარდების კედელზე გაზრდა, თუმცა ამით ორ ამოცანას გადაჭრით: ვარდები მარტო არ „მოიწყენენ“ და შენობის ფასადი მართლაც რომ მომხიბვლელი გახდება. ვარდისფერი და წითელი ფერის ვარდების ერთმანეთში გარდასვლა თქვენს დასვენებაზე თერაპიულადაც კი იმოქმედებს. მსგავსი დიზაინის შექმნა რთული არ არის, განსაკუთრებით იმიტომ, რომ დიდი ფინანსები არ გჭირდებათ.

2017 წლისთვის მწვანე ლანდშაფტის ვარდებით მორთვა ტრენდულია. ასე რომ, სახლის გარშემო ტერიტორია ან საპარკინგე სივრცე შეგიძლიათ ამ ულამაზესი წითელი ყვავილებით დაამშვენოთ. თუ ბაღში აპირებთ ვარდების გაზრდას, ლანდშაფტის დიზაინში მათი დამატების შემდეგი გზები განიხილეთ. მიაქციეთ ყურადღება, თუ როგორ იღებს თეთრი ვარდი ხის მსგავს ფორმას. ის ბილიკის გასწვრივ დარგეთ, შედეგად კი მსგავს ვარიანტს მიიღებთ, როგორსაც ქვემოთ მოცემულ სურათზე ხედავთ!

თუ მკაცრი ინგლისური სტილი მოგწონთ, მაშინ ექსტერიერის დიზაინში ვარდის ბუჩქები გამოიყენეთ. ოღონდ დაიმახსოვრეთ, მათში ბევრი ყვავილი არ უნდა იყოს! მათი მოვლისას, პირველ რიგში, ყურადღება ნიადაგზე უნდა გაამახვილოთ. ამიტომ ეს ვარდები პატარები, მაგრამ საკმაოდ მოვლილები იზრდება.