დღესასწაულებისთვის მზადების ბოლო დღეებში ინტერიერის დიზაინერები და საახალწლო აქსესუარების მწარმოებელი კომპანიები უამრავ არჩევანს გვთავაზობენ - ნაძვის ხეებით დაწყებული, სასაჩუქრე სუვენირებით დამთავრებული. რამდენადაც საახალწლო მოსართავები ჩვენს განწყობას ამაღლებენ, იმდენად უკურეაქცია შეიძლება გამოიწვიოს გადატვირთულმა გაფორმებებმა.

შობა-ახალი წელი ის დღესასწაულებია, რომლებსაც, ძირითადად, სახლში ვატარებთ, ამიტომაც, მაქსიმალურად კომფორტული გარემო უნდა შევქმნათ:

თუ კლასიკური ნაძვის ხე მოგწონთ, არჩევანი მწვანე ფერის ხესა და ფერად ორნამენტებზე შეაჩერეთ. თუმცა, შესაძლებელია ნაძვის ხე სულაც არ იყოს მწვანე - წელს უამრავი ფერის ალტერნატივები გვხვდება, რომლებსაც ინტერიერის დიზაინერები ოთახში განლაგებულ სხვა საახალწლო ორნამენტებს უხამებენ. მაგალითად, წელს განსაკუთრებულად აქტუალურია ვინტაჟური - ვერცხლისფერი ნაძვის ხეები, ექსპერიმენტულ - იასამნისფერსა და ლურჯთან ერთად.

რამდენიმე რჩევა ნაძვის ხის და ინტერიერის მოსართავად:

• ნუ გადატვირთავთ ფერთა გამას. ფერადი გაფორმების შემთხვევაში, მაქსიმუმ 3 ფერი აირჩიეთ, რომლებშიც ნაძვის ხის სათამაშოები და სხვა ორნამენტები იქნება გადაწყვეტილი.
• თუ ინტერიერს საახალწლო აქსესუარებით მაქსიმალურად ტვირთავთ, კედლებიდან დროებით ჩამოხსენით ნახატები და პრინტები.
• ეცადეთ, სათამაშოები თქვენი კედლების და შპალერის ფერებს შეუხამოთ.

სტატია მომზადებულია houzz.com-ის მასალებზე დაყრდნობით.