ბუნებაში სამზარეულოს მოწყობა 2018 წლის გაზაფხული-ზაფხულის ტრენდი იქნება. უმჯობესია, სამზარეულოს ისეთი კომპლექსი შეარჩიოთ, რომელიც მარტივად დაიკეცება და პორტატული იქნება. აღჭურვეთ ეს ადგილი განათებებითა და ავეჯით.

კენკრისფერით გაჯერებული იასამნისფერი, წითელი ხე, ცისფერი და ფოთლებისფერი მწვანე - აი, რომელ ფერებზე იქნება აქცენტი დასმული. შესაბამისად, რეკომენდებულია, ამავე ფერების მცენარეებიც: ლავანდი, როზმარინი და ტაილანდური რეჰანი. თუ ძველი ხის სკამები ან ავეჯი გაქვთ, არ გადაყაროთ. ისინი შეგიძლიათ ცისფრად ან მწვანედ შეღებოთ და ბაღში განათავსოთ. ამით მათ ახალ სიცოცხლეს შთაბერავთ. რაც შეეხება ტენდენციებს, მინიმალისტური სკანდინავიური სტილი კვლავ მოდური რჩება. ამ სტილით გაფორმებული აქსესუარები ბაღს ელეგანტურ და თანამედროვე იერს მიანიჭებს.

სახლის მცენარეები მოდას უბრუნდება. ამჟამად მათ არა მხოლოდ ესთეტიკური ღირებულება ექნებათ. ზიანის მომტანი ტოქსინების გაქრობა, სტრესის შემცირება, ტენიანობის კონტროლი, ხმით დაბინძურების პრევენცია - ამაში ზუსტად ეს მცენარეები გვეხმარება. შეუსაბამეთ ერთმანეთს სხვადასხვა ზომის, ფერისა და ტექსტურის ყვავილები. ამით მაქსიმალურ ეფექტს მიიღებთ.

ტრენდულია მოზაიკური ბილიკის გაკეთება. ჩუქურთმებიანი კენჭების ტექნიკა კი, მაგალითად, იტალიურ ბაღებში საკმაოდ გავრცელებულია. 2018 წელს დიზაინერების ყურადღების ცენტრში ულამაზესი ორქიდეებია. მათი მოვლა დიდ სირთულეს არ წარმოადგენს. მორწყვა მხოლოდ კვირაში ერთხელ სჭირდებათ. იზრდება საშუალო ზომის და არსებობს ათასობით სახეობა თუ ჰიბრიდი. ეს განსაკუთრებული მცენარეები თქვენს ბაღს ნამდვილად დაამშვენებს.

მცენარეების გარდა, იმატებს სათბურების პოპულარობის დონეც. თქვენ შეგიძლიათ დათესოთ უამრავი ბოსტნეული. მაგალითად, სალათის ფოთლები, პომიდვრები და მწვანილები ყუთებში გაზარდოთ, ხოლო პარკოსანი მცენარეები და გოგრა ვერტიკალურად დარგოთ. ეს სივრცის ეფექტური დაზოგვის საუკეთესო გზაა.