ზოგიერთი ურბანული დასახლება სხვებთან შედარებით მეტად პრობლემურია. ზოგი მათგანი ოდესღაც თავისი სილამაზითა და მიმზიდველობით გამოირჩეოდა, თუმცა დღესდღეობით ხალხის ინტერესი მათ მიმართ დაკარგულია. ამის გამოსასწორებლად, კრეატიული დიზაინის დამკვიდრებით, სხვადასხვა ქვეყნის წარმომადგენლები ტურისტების დიდ ნაწილს იზიდავს. ერთ-ერთი ასეთი ხერხი უბნებისა თუ ცალკეული შენობების გრაფიტით მოხატვაა. ქუჩის ხელოვნებას შედეგი ნამდვილად აქვს! წარმოგიდგენთ რამდენიმე მოხატულ ქუჩასა თუ უბანს, რომლებმაც რადიკალური ტრანსფორმაცია განიცადეს. 

როცა ბევრ ქვეყანაში გრაფიტზე გარკვეული რეგულაციები მოქმედებს, მექსიკაში, მთავრობამ მხატვრების კოლექტივი მოიწვია. მათი მიზანი იყო შეექმნათ და გაელამაზებინათ ერთი კონკრეტული მექსიკური ქუჩა. როგორც თავად აღნიშნავენ, ეს ქვეყანაში უდიდესი კედლის ფერწერაა. გერმანელი მხატვრების ჯგუფმა დაახლოებით 209 სახლი მოხატა, რომლებიც ერთ დეპრესიულ უბანში, პაჩუკაში, მდებარეობდა. თემატურად კი ეს შემოქმედება ახალგაზრდებში ძალადობის შემცირებას უკავშირდება. კედლის ფერწერა დაახლოებით 20 000 კვადრატული მეტრისაა. მხატვრებმა დაახლოებით 20 000 ლიტრი საღებავი გამოიყენეს. ნამუშევარს კი ქალაქის მაკროფერწერა ეწოდა. მთავრობის მიერ დაფინანსებული პროექტის შესრულებას სულ რაღაც 2 თვე-ნახევარი დასჭირდა. იმედოვნებენ, რომ მსგავსი პროექტები დაეხმარება ახალგაზრდა ადამიანებს გამოხატონ საკუთარი ინდივიდუალურობა ხელოვნების დახმარებით.