დღეს-დღეობით უამრავი სამაგიდო თამაში არსებობს (ჭადრაკი, დიქსითი, მონოპოლია, მანკალა, 7 საოცრება და ა.შ.), რომელიც პირდაპირ მოქმედებს ჩვენი გონების განვითარებაზე. მეცნიერულად დამტკიცებულია, რომ სამაგიდო თამაშები ახდენს კოგნიტური უნარ-ჩვევების განვითარებას. მსგავსი აქტივობით დაკავება დადებითად აისახება ტვინის იმ ნაწილებზე, რომლებიც პასუხისმგებელია მეხსიერების ჩამოყალიბებაში. სამაგიდო თამაშების დახმარებით ჩვენ გვივითარდება პრობლემების გადაწყვეტის, სწრაფად ფიქრის, მოქმედების უნარები. მსგავსი თამაშები დადებითად მოქმედებს ბავშვებზეც. ეხმარება მათ ლოგიკური, კრიტიკული აზროვნების განვითარებაში. სხვადასხვა სამაგიდო თამაშის წყალობით ბავშვები სწავლობენ ყურადღების მოკრებას, დიდი ხნით კონცენტრირებას კონკრეტულ საკითზე, დამოუკიდებლად აზროვნებას და გადაწყვეტილების მიღებას, რაც თავისთავად მნიშვნელოვანია თითოეული ბავშვის განვითარების პროცესში.

როგორც უკვე აღვნიშნე, სამაგიდო თამაშებით დროის გატარება განსაკურებულად სასიამოვნოა, რადგან თავისუფალ დროს მეგობრებთან, ახლობლებთან და ოჯახის წევრებთან საინტერესოდ ატარებთ. ეს, ამ აქტივობის კიდევ ერთი დადებითი მხარეა, რადგან სწორედ მსგავს სასიამოვნო გარემოში თქვენს ორგანიზმში ენდორფინი გამოიყოფა, რაც პირდაპირ მოქმედებს თქვენი ბედნიერების ხარისხზე. ამავდროულად რეგულირდება სისხლის წნევა, მცირდება ალცჰეიმერით დაავადების რისკიც. რა თქმა უნდა, მსგავსი დადებითი პროცესები ამცირებს სტრესსა და დაძაბულობა და აძლიერებს თქვენს იმუნურ სისტემას

თუ ჯერ კიდევ არ გიპოვიათ სახლში დროის მოკვლის რაიმე სასიამოვნო მეთოდი აუცილებლად სცადეთ სხვადასხვა სამაგიდო თამაში. დღეს არჩევანი ამ მხრივ ძალიან დიდია და შეუძლებელია ვერ იპოვოთ ის, რაც დაგაინტერესებთ და დროს კარგად გაგატარებინებთ. არ იფიქროთ რომ ზედმეტად დიდი ხართ ამ ყველაფრისთვის, ამ აქტივობის მთელი ხიბლი იმაშია, რომ სხვადასხვა ასაკის ადამიანებს, ერთად შეუძლიათ თამაში და დროის სასიამოვნოდ გატარება. ასე, რომ არ დაიზაროთ, ოჯახის წევრებთან ერთად შეარჩიეთ თამაში და რეგულარულად განაახლეთ თქვენი სამაგიდო თამაშების კოლექცია. ეს სასიამოვნო პროცესი აუცილებლად მოგეწონებათ.