თუმცა, კვლევებით დადასტურებულია, რომ შვებულებაში გასვლა თქვენს პროდუქტიულობას ზრდის, რაც შემდგომ გეხმარებათ კარიერულ წინსვლაში. თანამშრომლები, რომლებიც უფრო ხშირად ისვენებენ და ახდენენ განტვირთვას მეტი პროდუქტიულობით და კრეატიულობით გამოირჩევიან. ამიტომ, ნებისმიერი წარმატებული კომპანიის ხელმძღვანელს ურჩევნია, რომ მისი თანამშრომელი დასვენებული და განტვირთული იყოს, ვიდრე საქმისგან გადაღლილი. თქვენ შეიძლება ფიქრობთ, რომ საკმარისი ენერგია გაქვთ და არ გჭირდებათ დასვენება, თუმცა ცდებით. თქვენი ტვინის უჯრედებს აუცილებლად ჭირდებათ ახალი გარემო, ყოველდღიურობისგან გაქცევა და განტვირთვა. ძალების აღდგენა კი დაგეხმარებათ როგორც კარიერულ, ისე პირად ცხოვრებაში.

საინტერესოა აქტიური დასვენების უპირატესობებიც. აქტიურად დასვენება დადებითად მოქმედებს თქვენს ჯანმრთელობაზე. ლაშქრობები, სათავგადასავლო სპორტი, ველოსიპედით მოგზაურობა, კლდეზე ცოცვა, ჯომარდობა და სხვა აქტივობები აუცილებლად გაგაჯანსაღებთ ფიზიკურად. სუფთა ჰაერზე, ჟანგბადით სავსე გარემოში ყოფნა აჯანსაღებს თქვენს სხეულს და ის ნაკლები დატვირთვით ფუნქციონირებს. რეგულირდება სისხლის წნევა და ძლიერდება იმუნური სისტემა. როდესაც ახალ-ახალი ადგილების სანახავად ზურგჩანთით მოკიდებული გადაადგილდებით, სეირნობთ ტყეში ან იპყრობთ მთებს, თქვენ განიცდით ფიზიკურ დატვირთვას და წვავთ უამრავ კალორიას. თქვენი კუნთები აქტიურდება და ეჩვევა მოძრაობას. თუ თქვენ მთელი კვირა სამსახურში ჯდომა გიწევთ და ფიზიკურად ნაკლებად აქტიური ბრძანდებით მაშინ, დამერწმუნეთ აქტიური დასვენება სწორედ ისაა, რაც აუცილებლად გჭირდებათ.

მთაში დასვენება იდეალურია მათთვის, ვისაც სტრესის შემცირება და ჯანმრთელების გაუმჯობესება უნდა. სუფთა ჰაერი, განსხვავებული ტემპერატურა, ულამაზესი ბუნება და სიმშვიდე - აი რას გპირდებათ მთა. მთაში დროის გატარება, როგორც აქტიური, ისე პასიური დასვენების მოყვარულთათვისაა შესაძლებელი. არ აქვს მნიშვნელობა ამ ზაფხულს თავგადასავლებს ეძებთ, თუ უბრალოდ მშვიდად გსურთ დროის გატარება. მთიანი გარემო ის ადგილია, სადაც ამ ყველაფრის განხორციელება შეგიძლიათ. უამრავმა კვლევამ დაადასტურა, რომ მშვიდ და ჯანსაღ გარემოში დასვენება ადამიანის ფიზიკურ და მენტალურ ჯანმრთელობაზე დადებითად აისახება.

გახსოვდეთ, რომ როდესაც ისვენებთ და გამუდმებით საქმეზე აღარ ფიქრობთ, თქვენ გიუმჯობესდებათ მეხსიერება, კონცენტრირების უნარი, უკეთ გძინავთ და თქვენი ტვინი ახალი გამოწვევებისთვის მზად არის. ასე, რომ ნუ გადადებთ შვებულებაში გასვლას და სანატრელ, დამსახურებულ დასვენებას. გახსოვდეთ, რომ ეს თქვენი ჯანმრთელობისთვის აუცილებელია და არაფერია ამაზე უფრო მნიშვნელოვანი.