გავატაროთ ზამთარი თბილად - ამისთვის ყველაზე ეფექტური და სწრაფი არჩევანი გაზის გამათბობლებია. ეს საუკეთესო აღჭურვილობაა, როცა საქმე ფასს, ჯანმრთელობას და უსაფრთხოებას ეხება. აქვე აუცილებლად უნდა გაითვალისწინოთ, რომ ოთახს კარგი ვენტილაციის სისტემა უნდა ჰქონდეს. სტანდარტულად, გაზის გამათბობლები უფრო ძვირი ღირს და შედარებით დიდხანს ძლებს, ვიდრე სხვა გათბობის საშუალებები. ქვანახშირის, ხის და პარაფინის გამათბობლები მარტივად ხელმისაწვდომია, მათზე არა მარტო გათბობა, არამედ საჭმლის მომზადებაც კი შეგიძლიათ, თუმცა უსაფრთხოების მხრივ პრობლემები შეიძლება მოჰყვეს. რაც შეეხება ზაფხულში სიცივის შენარჩუნებას, მიჰყევით ამ რჩევებს: ფანჯრებზე ჟალუზები დააყენეთ. ეს უკანასკნელი სითბოს 80%-ით ამცირებს. ჭერზე დამონტაჟებული ვენტილატორი შენობაში ტემპერატურას არ ამცირებს, ის თანაბრად ანაწილებს სითბოს. მისი შერჩევისას გაითვალისწინეთ ორი რამ: ძლიერი მოტორი და სამმაგი კონდესატორი. რაც შეეხება კონდიციონერს, ის დიდ ენერგიას მოითხოვს.

ზამთარში სითბოს და ზაფხულში სიცივის შესანარჩუნებლად, იატაკის მატერიებზე დაკვირვებაც გამოგადგებათ. ამ შემთხვევაში აუცილებელია ეს უკანასკნელი ჩვენს კლიმატს შევუსაბამოთ. მსუბუქ მატერიებს შედარებით დაბალი თერმული მასა აქვთ და სითბოს ნაკლებად იწოვს. ტენიანობა კიდევ ერთი ფაქტორია, რადგან ზოგიერთი მასალა ნოტიო კლიმატისთვის არაა შექმნილი და მაცხოვრებლებში ალერგიაც კი შეიძლება გამოიწვიოს. ვინილის, ლინოლეუმისა და კორპის მასალები ნებისმიერი კლიმატისთვის არის შესაფერისი. თუმცა ზამთრისთვის არცერთ მათგანს არ გირჩევდით, რადგან ისინი სითბოს არ ინახავს. მყარი ხის იატაკი არ იგროვებს სითბოს, თუმცა ზამთარში არც ისეთი ცივია, როგორც სხვა მატერიები. ბუნებრივი ქვა კი დღის განმავლობაში სითბოს შეიწოვს, თუმცა ღამით მალევე ცივდება.