კურილპას ხიდის პროექტი არა მარტო იმის შესაძლებლობაა, რომ ბრისბანის (ავსტრალია) მდინარის გარშემო საცალფეხო და წრიული კავშირი შექმნას, არამედ ის არის საჯარო სივრცის ახალი ფორმაც. ასევე ეს ბრისბანის ქალაქის იდენტობის სიმბოლოდაც შეიძლება ჩავთვალოთ. ხიდის აშენებამ ხელი შეუწყო სანავიგაციო შეზღუდვებს, პორტატულ საავტომობილო გადაადგილებას, ველოსიპედით, ფეხით სეირნობის შესაძლებლობასა და ქალაქის სიმშვიდის შენარჩუნებას. ხიდის დიზაინის ძირითადი მიზანი იყო ის, რომ აეთვისებინა ბრისბანის ბუნება და სუბტროპიკული გარემო. კურილპას ხიდის ფორმა სხვა უფრო ჩვეულებრივი სტრუქტურების ანალიზისგან წარმოიშვა. ეს უკანასკნელნი ფიზიკური პორტატულობისა და საფუძვლის პირობების გათვალისწინებით, გენერირებულია მასიურ ვიზუალურ ზემოქმედებაზე. ეს ხიდი მსოფლიოში ერთ-ერთ დიდ ჰიბრიდულ, ტენსეგრიტულ ხიდად ითვლება. ჰორიზონტალური ძელები ტენსეგრიტული პრინციპითაა (კონსტრუქციის აგების პრინციპი, რომელიც გამოიყენებს ელემენტებს - ერთდროულად შეკუმშვისა და გაჭიმვის დროს) აგებული. ხიდი 470 მეტრის სიგრძისაა და 2 დიდ სარელაქსაციო პლატფორმას მოიცავს. აქვე დამონტაჟებულია LED განათების სისტემაც, რომელიც სხვადასხვა ფერის სინათლის ეფექტებზეა დაპროგრამირებული. განათების კონფიგურაციის გათვალისწინებით, ხიდი ენერგიის 75%-100%-ს მზისგან იღებს.

ლანგკავის ცის ხიდი, 125 მეტრის სიგრძის, საცალფეხო ხიდია მალაიზიაში. ის ზღვის დონიდან 660 მეტრზე მდებარეობს. ამ ხიდზე ასასვლელად სპეციალური კაბინა დაგჭირდებათ. ხიდის სიგანე 1.8 მეტრია. ის გათვლილია იმისთვის, რომ მაყურებელმა ბუნების თვალიერებისგან მაქსიმალური სიამოვნება მიიღოს. აქ ორი ფოლადის მოაჯირია, ხოლო ბილიკი რკინა-ბეტონის პანელებისგან არის ფორმურირებული. ხიდის პირველი 25 მეტრი არის სწორი, შემდეგ კი ნელ-ნელა მრუდდება. ბოლო 25 მეტრი კი კვლავ სწორია. ყოველი ბილიკის დასრულებისას, ხიდს აქვს 3.6 მეტრიანი სიმაღლის სამკუთხა პლატფორმა. მის კონსტრუირებას 12 თვე დასჭირდა. ლანგკავის ცის ხიდი 2005 წლის თებერვალში გაიხსნა.

ტელოკ ბლანგას ხიდი არაჩვეულებრივი მაგალითია იმისა, თუ როგორ შეიძლება დავუახლოვდეთ ბუნებას მისი დაზიანების გარეშე. სამწუხაროდ, მსოფლიოში ხიდების უმეტესობა უამრავი ხის მოკვეთის შედეგად არის შექმნილი. თუმცა, ეს არ ეხება ტელოკ ბლანგას ხიდს, რომელიც სინგაპურში მდებარეობს. ის დამთვალიერებლებს ბუნების ტკბობის უნიკალურ შესაძლებლობას აძლევს. ხიდი თითქოს ქსელის პატერნს მიჰყვება, რომელსაც რეგულარული ინტერვალების მქონე ღია სტრუქტურებამდე მივყავართ. ეს კი საშუალებას აძლევს სინათლესა და ბუნებრივ ჰაერს იმოძრაოს. ხიდი LED განათებითაა აღჭურვილი.