მთა ნორქეის სახელი, მანიტობას პრემიერის ჯონ ნორქეის საპატივსაცემოდ, 1904 წელს დაერქვა. პირველი სათხილამურო ტრასა 1926 წელს გაიხსნა. კანადაში ეს მთა იყო პირველი, სადაც 1948 წელს საბაგირო გაიხსნა. მთა ნორქეი ხანგრძლივ ისტორიას ითვლის ალპინისტური სპორტისა და ზამთრის ტურიზმის განვითარებაში. დღესდღეობით აქ 60 სათხილამურო ტრასაა, რომელთა სიგრძე მთლიანობაში 16 382 მეტრია.

სინათლის სოფელი, ზამთრის კურორტია ბანფის ეროვნულ პარკში. საბაგიროსთან და სათხილამურო ტრასასთან დამსვენებელი რვა კაციან სწრაფი სიჩქარის მქონე გონდოლას მიჰყავს. აქ არის 13.59 კილომეტრის სასრიალო ტერიტორია და 120 სათხილამურო ტრასა.

სინათლის სოფელი იყო პირველი ზამთრის კურორტი კანადაში, სადაც მოეწყო მაღალი სიჩქარის საბაგირო გამთბარი დასაჯდომებით. კურორტზე მრავალი ივენთი ჩატარებულა. ასევე აქ მდებარეობს 84-ოთახიანი სასტუმრო, რომელსაც „სოფელი“ ჰქვია. ის ზღვის დონიდან 2 200 მეტრით არის დაშორებული.

ლეიქ ლუიზი, ბანფის ეროვნულ პარკში მესამე ზამთრის კურორტია. ის 2008 წლამდე ეკუთვნოდა კანადური კურორტების კომპანიას, შემდეგ კი ჩარლი ლოკიმ შეისყიდა. 139 სასრიალო ტრასა 25 %-ით განკუთვნილია დამწყები დონისთვის, 45 % - საშუალო დონისთვის და 30 % - მაღალი დონისთვის. ლეიქ ლუიზის ღირშესანიშნავი გონდოლა, დამსვანებელს თვალწინ უშლის ულამაზეს პანორამულ ხედებს, ბუნებრივ წყაროებს, ცხოველთა არაჩვეულებრივ სამყაროს. აქ, ასევე შესაძლებელია ძაღლების მარხილით გასეირნება და ყინულის მოედანზე ციგურარობა.