იაპონიაში კი 10 ნოემბრიდან 8 იანვრამდე „სასწაული შობა“ აღინიშნება. ფესტივალი უნივერსალ სტუდიოს მიერ იმართება და ოსაკას პარკში ტარდება. აქ ერთ-ერთ ყველაზე თვალწარმტაც ნაძვის ხეს შეხვდებით. ის უკვე შევიდა გინესის რეკორდების წიგნშიც, როგორც მსოფლიოში ყველაზე განათებული ხე. ამ საახალწლო სიმბოლოს 350 000-ზე მეტი ნათურა აქვს.

პარიზის გალერეა ლაფაიეტში კი თვალისმომჭრელი ნაძვის ხე დგას - არც მეტი, არც ნაკლები - ათასობით გიგანტური შაქარყინულითა და მულტიფერადი ბუშტით გაფორმებული. ეს ნამდვილად არასტანდარტული და თანამედროვე ხეა, რომელის მსოფლიოში ცნობილ სავაჭრო ცენტრში აღიმართა. ამ ულამაზესი საახალწლო სიმბოლოს დანახვა მესამე სართულიდან, სტარბაქსის განყოფილებიდან, შეგიძლიათ. თუ მას კარგად დააკვირდებით, ნახავთ, თუ როგორ იწყებენ ბუშტები ცეკვას.

დიდ ბრიტანეთში კი ყველაზე დიდი ნაძვის ხე მორთეს. ეს უკანასკნელი 1890 წელს დარგეს და 20 წელია რაც უკვე მის დიზაინზე ზრუნავენ. დაახლოებით, 1 800 ნათურა, 36 მეტრიანი ხისთვის მომზადდა. ის ვეიკჰარსტის ცნობილ ბოტანიკურ ბაღში მდებარეობს. ხის მორთვის პროცესი 2 დღე მიმდინარეობდა. მისი ნახვა დამთვალიერებელს 18 დეკემბერიდან 5 იანვრამდე შეეძლება.

ამერიკის შეერთებულ შტატებში, თეთრ სახლში, კი განსაკუთრებულად ემზადებიან. წლევანდელი საახალწლო თემა ის ტრადიციებია, რომლებმაც დროს გაუძლო. 6-მეტრიანი ნაძვის ხე 21 ნოემბერს მიიტანეს და მას პირველი ლედი, მელანია ტრამპი, შვილთან, ბერონთან, ერთად დახვდა. 2018 წლის ოფიციალური ნაძვის ხე მინის ორნამენტებითაა მორთული. თითოეული მათგანი ამერიკის თითოეულ შტატსა და ტერიტორიას აღნიშნავს.