უზარმაზარი ტალღიანი აუზი აქვატიკას შემქმნელებისთვის დამაკმაყოფილებელი არ აღმოჩნდა, ამიტომ მათ მეორეც ააშენეს - ზუსტად მის გვერდზე. ეს უნიკალური ტიპის აკვაპარკი ფლორიდაში, ორლანდოში მდებარეობს. დამთვალიერებელი წყლის სასრიალოთი დელფინების აკვარიუმამდე მიდის, ხოლო უფრო გაბედულები წყლის ხელოვნურ არხებსა და ძაბრებშიც გადიან. აქ არის ქვიშის სანაპირო, რომელიც 1 360 ტონა რბილი, თეთრი ქვიშით არის დაფარული. რაც შეეხება, აკვაპარკში მდებარე ბაღს, ის ინსპირაციას სამხრეთი ზღვის სტილისგან იღებს და აქ დაახლოებით 60 000 სახეობის მცენარეა.

ბეიჯინგის ცნობილი აკვაპარკი: წყლის კუბი ის ადგილია, სადაც 2008 წელს ოლიმპიური თამაშები ჩატარდა. ძაბრის ფორმის ტორნადოს და სხვა ფორმის სასრიალოების წყალობით, დამსვენებელი დიდი წყლის კუბში ხვდება. კონსტრუქცია რომელიც შენობისთვისაა გამოყენებული, ისეთი ელემენტებითაა შექმნილი, როგორებიცაა კრისტალური მესრის წყლის ბუშტები. ეს სივრცის ეფექტური დატვირთვის ყველაზე კაი ვარიანტია. ეს ბუშტები მიწისძვრასაც უძლებს. პლასტიკური „ბალიშებით’ დაფარებული ექსტერიერი ზოგავს ენერგიას და სივრცეს, მინასთან შედარებით, უფრო მეტ სითბოს აძლევს. დამთვალიერებლებისთვის განსაკუთრებით მიმზიდველია ჭერზე ჩამოკიდებული უზარმაზარი მედუზები.

სიამ პარკი ესპანეთში, კონკრეტულად ტენერიფეს კუნძულებზე მდებარეობს. ეს არის თემატური აკვაპარკი, რომლის ყველაზე პოპულარული სასრიალო 27-მეტრიანი „სიძლიერის კოშკია“. ეს აკვაპარკი ნებისმიერი ასაკის დამსვენებლისთვის ხელმისაწვდომია. საბავშვო ზონა ყველაზე პოპულარულ დრაკონის სასრიალოს მოიცავს. თავად პარკში შეხვდებით ჯუნგლების სტილის დაგეგმარებას, ბილიკებსა და არქიტექტურას. „ყოველ მოსვლაზე აქ ახალ დეტალებს აღმოაჩენთ,“- ამბობს აკვაპარკის დამაარსებელი კრისტოფერ კისლინგი.