ბიბლიოთეკის წრფივი გარსი ინტერიერის ტოპოგრაფიულ ატრიუმს გზას აძლევს. ეს უკანასკნელი კი სფერული, სარკისებრი აუდიტორიით არის გარშემორტყმული. „MVRDV“ ამას გიგანტურ „თვალს“ ადარებს, საიდანაც ბიბლიოთეკის ინტერიერის პანორამული ხედები იშლება. სფერო გარშემორტყმულია ტერასებიანი წიგნის თაროებით, რომლებიც, ამავდროულად, დასაჯდომი ადგილებიცაა. ისინი შენობის ინტერიერში ჰორიზონტალური ლუვრის ფორმებს ქმნიან. შემქმნელები ამბობენ, რომ „თვალი“ ბიბლიოთეკის ცენტრალური წერტილია. „თვალი შენობის ცენტრია. ის მას „აცარიელებს“ და წიგნის თაროებისგან იმ სივრცეს ქმნის, სადაც შეგიძლიათ დასხდეთ, წაიკითხოთ, გაისეირნოთ ან თუნდაც აცოცდეთ. ეს ორგანული სოციალური სივრცეა“, - ამბობს „ MVRDV“-ის ერთ-ერთი დამფუძნებელი ვაინი მაასი, - „თვალის გულში აუდიტორიაა, რომელიც გარემოს აირეკლავს და შენობის 360 გრადუსის პანორამულ ხედებს იძლევა.“ კომპანიამ ეს აუდიტორია რეკორდულად მცირე დროში, სულ რაღაც, სამ წელიწადში ააშენა. თავად, წიგნის თაროები არაჩვეულებრივ საშუალებას იძლევა მათზე დასხდეთ და, ამავდროულად, სართულებზე, მათი საშუალებით იმოძრაოთ. რაც შეეხება, კუთხეებსა და მოსახვევებს, ისინი სივრცეს შემდეგნაირი გამოსაყენებლი მიზნებისთვის ასტიმულირებენ: კითხვისთვის, გადაადგილებისთვის, შეხვედრებისთვისა თუ უბრალოდ სადისკუსიოდ. ერთად კი შენობის „თვალის“ ფორმას ქმნიან: რომ დაინახო და დაგინახონ.

ბიბლიოთეკის ტიპური ფუნქციონირების გარდა, ის განათლების ცენტრიცაა და პარკისა და კულტურული უბნის დამაკავშირებელი წერტილიც. მიუხედავად იმისა, რომ ფუტურისტული შენობა 2017 წლის, პირველ ოქტომბერს გაიხსნა, მიმზიდველი არქიტექტურისა და ინტერიერის ფოტოებმა, სოციალური მედია უკვე ააფეთქა.