სურათზე მოცემულ ბიბლიოთეკას კი 180 გრადუსით თუ შემოატრიალებთ, საწოლს მიიღებთ. დამატებითი საწერი მაგიდა კი შესაძლებლობას გაძლევთ ეს სივრცე საკმაოდ მრავალფუნქციურად გამოიყენოთ, როგორც სამუშაოსთვის, ასევე სასადილოდ.

სამუშაო ოთახი შეგიძლიათ ამ არაჩვეულებრივი გამოგონებით დაამშვენოთ. ეს არის საწოლისა და სამუშაო მაგიდის კომბინაცია, რომელიც კედელთანაა დაკავშირებული. მაგიდა ჰორიზონტალურია, სადაც ნივთები დაბალანსებულად შეგიძლიათ განაწყოთ. ის საწოლად ტრანსფორმირდება. საკმაოდ დიდი ზომის დასაწოლი ადგილი კედლის უკან არის „დამალული“, ეს კი არაჩვეულებრივ შესაძლებლობას გაძლევთ სივრცე ფანტასტიკურად დაზოგოთ.

მრუდე ქრომირებული ფეხები და გლუვი შავი მინა - ამ ყავის მაგიდის დამახასიათებელი აქცენტებია. მისი უპირატესობა ისაა, რომ ის სიგანეში საკმაოდ მარტივად, ერთ ღილაკზე დაჭერით, ფართოვდება. ყავის მაგიდის დიზაინი ულტრათანამედროვე და ფუნქციონალურია. ის ზუსტად იმისთვისაა შექმნილი, რომ დაზოგოს სივრცე და ამავდროულად, მოსახერხებელიც იყოს.

სმარტ ავეჯის ერთ-ერთი ყველაზე საინტერესო ნიმუში, ეს სივრცის დამზოგი, „ტრანსფორმერი“ მაგიდაა. ზუსტად ასე გამოიყურება ინტერიერის დიზაინის გადაწყვეტის თანამედროვე მოსახერხებელი გზა. რადგანაც მაგიდას ბორბლები აქვს, მისი გადაადგილება ძალიან ადვილია. მას თქვენთვის სასურველ სიმაღლეს თავისუფლად მისცემთ. ასევე, რადგანაც მაგიდა დასაკეცია, ნებისმიერ დროს მისი გაშლაც საკმაოდ მარტივ საქმეს წარმოადგენს. ერგება ნებისმიერი ზომის ოთახს და განკუთვნილია 4-6 ადამიანისთვის.