საზოგადოებრივი ტრანსპორტის დიდი რაოდენობა, რომელიც ურბანულ სერვისებთან არის დაკავშირებული, საჯარო ღია სივრცე და ინდივიდუალური საცხოვრებელი ადგილი. ამ მოდელს შეუძლია ეფექტურად გამოიყენოს ის ლიმიტირებული სივრცე, რომელსაც ხშირად ურბანულ ვითარებაში ვაწყდებით. აქვე უნდა აღვნიშნოთ, რომ მსგავსი სქემა არ არის მხოლოდ ერთსაფეხურიანი „წამალი“ ყველანაირი ურბანული დაავადების მოსარჩენად. როგორც გამოცდილება გვიჩვენებს, სენსიტიური არქიტექტურა უნდა შეერწყას ეკონომიკურად ძლიერ საქალაქო ინსტიტუტებსა და ღრმად განვითარებულ საჯარო ორგანიზაციებს. წარმოგიდგენთ მოდელის „დაბალსართულიანობა, მაღალი სიმჭიდროვე“ რამდენიმე არაჩვეულებრივ მაგალითს.

Athis-Mons, საფრანგეთი კომპლემენტარული ქუჩა და ფასადები, რომლებიც ბაღს გადაყურებენ - ეს გახლავთ სოციალური საცხოვრებლის ფრანგული პროექტი - ინსპირაცია, რომელიც უკავშირდება პოსტ-ომის პერიოდში აგებულ შენობებს. ისინი მოგაგონებთ მეორე მსოფლიო ომის შემდეგ განვითარებულ ევროპულ ქალაქებსა და პრე-ომის დროინდელ ისეთი ქალაქის პეიზაჟებს, როგორიცაა ნიუ-იორკი. ფასადის ცვალებადი რიტმი აირეკლება ქუჩის მეორე მხარეს მყოფი აივნების წყობის მიერ.

Queensway- „დედოფლის გზა, რომელიც დიდ ბრიტანეთში, საუთჰემპტონშია აშენებული გვევლინება, როგორც ქალაქის რეგენერაციის სქემა. ის მოიცავს მშენებლობის სამ განსხვავებულ ტიპოლოგიას. ქმნის სივრცის მრავალფეროვან კონფიგურაციას შენობის მცხოვრებლებისთვის. აქ შეხვდებით 4-სართულიანი თაუნჰაუსების, 2-სართულიანი მიუზ ჰაუსებსა და 3-4-საწოლიან აპარტემენტების მიქსს. ეს კომპლექსი არაჩვეულებრივია დიდი ოჯახებისთვის.

The Whale(ვეშაპი), ამსტერდამი, ჰოლანდია „ვეშაპი“ გახლავთ მაღალი სიმჭიდროვის და დაბალსაფეხუროვანი ტიპის საცხოვრებელთა კომპლექსი, რომელიც მდებარეობს ამსტერდამში. 1 ჰექტარზე აქ 100 საცხოვრებელი ადგილი შეგხვდებათ. კომპლექსის ტალღოვანი სახურავის ხაზი საფუძველში მეორდება. არქიტექტორებმა გაზარდეს სტრუქტურის ქვედა სართული. მიზეზი ერთი იყო: მიეწოდებინათ სინათლე და ჰაერი შიდა ეზოსთვის.

46 სოციალური სახლი, სევილია, ესპანეთი არაჩვეულებრივი დაბალსართულიანი და მაღალი სიმჭიდროვის კომპლექსი გარეუბან სევილიაში. მთელი პროექტი ისეა ორგანიზებული ეზოს ირგვლივ, რომ თითოეული საცხოვრებელი სახლიდან ვიზუალური ხედვა წვდება როგორც ქუჩებს, ასევე შიდა მხარეს. აივნები საცხოვრებელ ადგილს აფართოებენ მაშინ, როცა დანაოჭებული თუთიის მეტალის პანელების მატერიალი გვაძლევს სინათლისა და ტექსტურის ცვლილების ილუზიას. 
საბოლოოდ, დაბალსართულიან საცხოვრებელში ცხოვრებისას, მარკეტი, პარკინგი და მსგავსი საჭირო ადგილები უფრო ახლოს იქნება თქვენთან (მაღალსართულიან საცხოვრებელთან შედარებით). ასევე გაითვალისწინეთ, რომ ბუნებრივი კატასტროფების დროს (მაგალითად, მიწისძვრა) დაბალსართულიან საცხოვრებელში უფრო მარტივია უსაფრთხო ზონას მიაღწიოთ. თუ ადამიანებთან ურთიერთობა გიყვართ, ეს არც ამ შემთხვევაში წარმოადგენს პრობლემას. სოციალიზაციის შანსი აქ უფრო მეტი გაქვთ. ამ ტიპის სამეზობლო გამოირჩევა როგორც მიმზიდველობით, ასევე წყნარი და პრივატული ადგილმდებარეობით. სიმყუდროვესთან ერთად შეგიძლიათ დატკბეთ სუფთა და მწვანე გარემოთი. ალბათ დამეთანხმებით, რომ ეს უკანასკნელი თანამედროვე ადამიანებს, ნამდვილად გვჭირდება.