ბეიჯინგის სავაჭრო ცენტრის არქიტექტორად ამერიკელი ენდრიუ ბრომბერგი გვევლინება, ცნობილი არქიტექტურული ფირმის.„Aedas“-ის დამფუძნებელი. ცენტრის სახურავზე მოწყობილ ბაღს ტალღოვანი, მრუდე გზა ექნება, ზამთარში კი ის ხელოვნური თოვლის ფენებით დაიფარება. ბრომბერგმა თავის გუნდთან ერთად ჩინეთის მსოფლიო სავაჭრო ცენტრის კომპლექსისთვის ამ ინოვაციური შენობის დიზაინი შეიმუშავა, რაც გრძელვადიანი (30-წლიანი) გეგმის მეხუთე და საბოლოო ეტაპია. ეს გეგმა მოიცავს 14 შენობას, მიზანი კი ისეთი კომპლექსის შექმნაა, რომელიც საჯარო სივრცესაც გააერთიანებს. ეს სივრცე ასევე ახლანდელ და სამომავლო მეტროს ხაზებს ერთმანეთთან დააკავშირებს, რაც, თავის მხრივ, შეუერთდება მესამე ბილიკის გზას - ეს არის 48-კილომეტრიანი მარშრუტი, რომელიც ქალაქის ცენტრს საზღვრავს. ბრომბერგამ შენობას უწყვეტი კონტური დაუმატა, რომელიც გზას ზუსტად იმეორებს და ბაღს ოვალურად „ფუთავს“. ბაღი 3-საფეხურიანი დონისგან შედგება და გზით არის გარშემორტყმული. ბილიკზე საკურასა და ფიჭვის ხეებსაც დარგავენ, ზამთარში კი ამ ადგილს ხელოვნური თოვლით დაფარავენ. შენობის ზედა საფეხურებზე ტერასის შექმნა იგეგმება, სადაც უამრავი დასაჯდომი ადგილი და უზარმაზარი ხეები იქნება. ნაგებობის ცენტრის გარშემო კეთილმოწყობილი ოლიმპიური ზომის ყინულის საციგურაო მოედნები მაღაზიებსაც და კაფეებსაც დაიტევს. შენობაში ასევე იქნება ხელოვნების სტუდია, უზარმაზარი საგამოფენო სივრცე, ორგანული ფერმა, კულტურულ-საგანმანათლებლო ობიექტები და კლდეზე ცოცვისთვის გამოყოფილი ადგილიც კი. სასტუმროების, ოფისების, ბინების გარდა, კომპლექსი მოიცავს 330 მეტრის სავაჭრო კოშკს - ბეიჯინგის ყველაზე მაღალ შენობას. 2017 წლის დასაწყისში ამ პროექტმა ფრანგული ჯილდოც მიიღო „საუკეთესო სამომავლო პროექტისთვის“.