„მონუმენტების შექმნის ნაცვლად, ჩვენ ვცდილობთ პრობლემების გადაჭრას,“- აცხადებს პოლონური დიზაინ-კომპანია, რომლებმაც სპეციალურად ვარშავისთვის ეს მიკროინსტალაცია შექმნეს. ამ კიბეზე ყოველდღიურად უამრავი ადამიანი დადის. ამიტომ შემქმნელებმა მოძრავი ნახევარ-სკამები გააკეთეს, როლებიც მზეზე გასარუჯად ან უბრალოდ დასვენებითსთვის გამოიყენება. სკამები სივრცეს უფრო მიმზიდველს და მეგობრულს ხდის. ინსტალაციისთვის უმცირესი თანხები დაიხარჯა. მიუხედავად ამისა ქალაქის ეს ნაწილი ნამდვილად ორიგინალური და მრავალფეროვანი გახდა.

ატლანტის მუზეუმი, ატლანტაში მაცხოვრებლებს დროებით არტ-ინსტალაციებს სთავაზობს. ერთ-ერთი ასეთი ესპანელი დიზაინერისა და ხელოვანის ჯეიმი ჰეიონის შექმნილი სტრუქტურაა. ეს არის დიდი ზომის ხის სათამაშო. მომხიბვლელი პატერნისა და ფერის ოთხი სტრუქტურა ერთმანეთს უკავშირდება. ოთხივე მათგანი სასრიალოს და კიბესმოიცავს. ბავშვებისთვის ეს ნამდვილად საინტერესო გასართობია.

ისლანდიელმა ხელოვანმა ოლაფურ ელიასონმა გადაწყვიტა თავისი ინსტალაცია კლიმატის ცვლილებებისთვის მიეძღვნა. ეს არის ერთი ჩვეულებრივი რგოლი, რომელიც ქარის ცვლილების დროს ნისლს უშვებს. როდესაც მნახველი რგოლის შუაგულში დგება, ის მისტიკური ნისლით არის გარშემორტყმული. ამ შემთხვევაში, თავისუფლად შეგვიძლია ვთქვათ, რომ ამინდის სამუშაოს განუყოფელი ნაწილია.

ორტაკოის მოედანი თურქეთში ერთ-ერთი ტურისტული ცენტრია. აქ უცნაურ ინსტალაციას, „ჰაერის ბაღს“, შეხვდებით. ტრადიციული ბაღისგან განსხვავებით, აქ მცენარეები არა მიწაზე, არამედ ჰაერშია გამოკიდებული. მათ ქვემოთ კი, ადამიანებს დაჯდომა და დასვენება შეუძლიათ. ამ ინსტალაციის დათვალიერება ივნისი ბოლომდე იქნება შესაძლებელი.