შვეიცარიაში ალპების ფერდობზე, მიწის ქვეშ ერთი სახლია დამალული. აქ მდებარეობს ძალიან ცნობილი თერმული აბანოები. ეს სახლი კი ისეა აშენებული, რომ აბანოების ძვირფას ხედებს ხელს არ უშლის. ცენტრალური შიდა ეზო დიდ ფასადას ქმნის, რომელიც ფანჯრის გაღების შესაძლებლობას იძლევა. შენობის კუთხე ოდნავ გადახრილია, რაც არაჩვეულებრივ საშუალებას იძლევა დავინახოთ მთის ულამაზესი ხედები. შენობის აშენებას ადგილობრივი ხელისუფლებისგან დადებითი პასუხი არ მოჰყოლია. ისინი თვლიდნენ, რომ თანამედროვე ნაგებობა მიმდებარე აბანოების ხედს გადაფარავდა. სქემა არ იყო ტიპურად სტრუქტურული, ის უფრო „მოკრძალებულ“ პრაგმატულობის მაგალითად ისახებოდა. მიწისქვეშა გვირაბსა და ძველი „Graubünder“ ფერმის შორის ნაგებობის ჩადგმა აბსურდად განიხილებოდა, მაგრამ რეალურად ამ გეგმამ გაამართლა. სახლის დიზაინზე და დეკორირებაზე გერმანელმა დიზაინერებმა და კომპანიებმა იზრუნეს. სტუდიო „JvM“-მ საძინებლისა და აბაზანის გაფორმება თავის თავზე აიღო.

პატარა მიწისქვეშა სახლი, რომელიც ფლორიდაში მდებარეობს, დუპლექსია. 2 იდენტური სახლი დაახლოებით 140 კვადრატულია მეტრია. ისინი 1975 წელს არქიტექტორმა უილიამ მორგანმა ააგო, რათა შემდგომ გაექირავებინა. რადგანაც არქიტექტორი აქვე ცხოვრობდა, არ სურდა, რომ ახალ სახლებს მისი ხედი დაეფარათ. ამიტომ გადაწყვიტა შენობები, პირდაპირი მნიშვნელობით, მიწაში ჩაემარხა. ქუჩის მხრიდან სახლების დანახვა მარტივია, ოკეანის მხრიდან კი ისინი ბაყაყს მოგაგონებთ. ქვიშის დამსახურებით, შენობებს გათბობა ან გაციება არ სჭირდებათ. მიუხედავად იმისა, რომ სახლები მეოცე საუკუნის 70-იან წლებშია აშენებული, ინტერიერი მეტად თანამედროვეა, ვიდრე რეტრო. მინის კარი მისაღებ ოთახს, ნახევრად დაფარულ შიდა ეზოსგან აცალკევებს. ეს კი ოკეანის არაჩვეულებრივ ხედს ქმნის. დღესდღეობით სახლის ყიდვა „სულ რაღაც“ 1.4 მილიონ დოლარად არის შესაძლებელი .