კუმუს ხელოვნების მუზეუმს, რომელიც ტალინში მდებარეობს, ესტონელებისთვის სიმბოლური მნიშვნელობა აქვს: ეს მათთვის პირველი არტ-მუზეუმია. კუმუს შენობას მრგვალი იატაკის გეგმა აქვს. ის ბუნებასთან სენსტიურად არის შეჯერებული. 25 000 კვადრატული მეტრის მქონე მუზეუმს აქვს ატრიუმი, რომელიც შენობაშია ჩაშენებული. შვიდი სართულიდან ორი სართული მიწის ქვეშ არის მოთავსებული. მუზეუმს შეუძლია ერთდროულად 400-ზე მეტ დამთვალიერებელს უმასპინძლოს. დაახლოებით 60 000 ექსპონატი შენახულია იმ საცავში, რომელიც მუზეუმის მიწისქვეშა სართულებზე მდებარეობს. შენობის არქიტექტორად ფინელი პეკა იუჰანი (Pekka Juhani) გვევლინება. მან კუმუს მუზეუმისთვის ისეთი მატერიები გამოიყენა, როგორებიცაა: ხე, დოლომიტი და სპილენძი. შენობის სფერული, მრუდხაზიანი ფიგურა უკვდავების სიმბოლოა.

პიტერ კუკისა და კოლინი ფურნიეს მიერ დაპროექტებული მუზეუმი - კუნსტჰაუსი ავსტრიის ქალაქ გრაციში მდებარეობს. 2003 წელს ევროპის კულტურულ ქალაქად გრაცი იქნა არჩეული. ზუსტად ამ მიზეზს მიეძღვნა მუზეუმის აშენებაც. შენობა ქალაქის იდენტობად მალევე იქცა. პროექტი არაჩვეულებრივად წარმოადგენს ინოვაციური დიზაინის ენისა და ისტორიული შტრიხების გასაოცარ სინთეზს. მუზეუმი 11 100 მეტრ კვადრატს მოიცავს. მრავალპროფილური ადგილი მასპინძლობს ხელოვნების, მედიის, ფოტოგრაფიის გამოფენებსა და სხვა ღონისძიებებს. მუზეუმის შენობა აღჭურვილია თანამედროვე განათებისა და დაცვის სისტემებით. აქ ასევე შეხვდებით ინოვაციურ ჰაერის კონდიცირების სისტემას, რომელიც აკმაყოფილებს ხელოვნების ყველანაირი ნიმუშის ავტორის მოთხოვნას. შენობის ინტერიერი შავი ყუთია - რომელიც მრავალ თავგადასავალს მალავს. მისი ფასადი კი ელექტრონულად იცვლება: ეს თითქოს უზარმაზაი ეკრანია, რომელიც ქალაქის შუაში მდებარეობს.