ჰაზელვუდის სკოლა, რომელიც სამხრეთ გლაზგოში მდებარეობს, შეზღუდული შესაძლებლობების მქონე ბავშვებისთვის არის განკუთვნილი. შენობის დიზაინი დაფუძნებულია ისეთ მნიშვნელოვან შეგრძნებებზე, როგორებიცაა ყნოსვა, შეხება და გემო. შენობის აშენების წინაპირობა იყო კვლევა, ძიება და დისკუსია მოსწავლეებთან და მასწავლებლებთან. ჰაზელვუდის სკოლა ფოკუსირებულია შექმნას სიმშვიდე და წყნარი გარემო, როგორც მოსწავლეებისთვის ისე მთელი მომსახურე პერსონალისთვის. შენობაში დიდი, მუქი დერეფნებია. გაძლიერებულია ბუნებრივი სინათლის დონე და ვიზუალური, ხმოვანი და ტაქტილური სენსორები. ასევე შიგნით არის სარკინიგზო ბილიკის კონცეფციაც, რომელიც შემნახველი კედლის ფუნქციასაც ასრულებს. ამის დახმარებით ბავშვები სკოლაში თავისუფლად და დამოუკიდებლად გადაადგილდებიან. კედელი კორპის მუხისგან არის დამზადებული. აუდიოტირები შენობის ჩრდილოეთ მხარეს არის განლაგებული და მწვანე სათამაშო სივრცეს გადაჰყურებს. სკოლის გარშემო წიფლის ხეებია დარგული, რომელიც სიმშვიდის გარანტიას ქმნის.

ჰოლანდიაში კი ორიგინალური და უნიკალური შენობა დგას, რომელშიც გაერთიანებულია რამდენიმე, ინდივიდუალური ორგანიზაცია, რომლებიც შეზღუდული შესაძლებლობის მქონე პირებს ემსახურებიან. შენობას უნივერსალური დიზაინი აქვს, რომლის მთავარი პრინციპი თანაბარი ხელმისაწვდომობაა. შშმ პირების ორგანიზაციის სახლს მარტივი და ინტუიტიური ნავიგაციის სისტემა აქვს. მარტივი მეთოდებისა და სუფთა რუტინის გამოყენებით, სხეულს ბუნებრივად შეუძლია გადაადგილდეს სანავიგაციო ნიშნების დახმარებით. აქ არის დერეფნები, რომლებიც მიმართულებას სინათლის, შუქის, ფერებისა და ფორმის დახმარებით ასხვავებს. მაგალითად, ადამიანს მხედველობის პრობლემა თუ აქვს, შეუძლია გზა ხუთკუთხოვანი კუთხეების საშუალებით გაიკვლიოს. ეს შენობა ნათელი მაგალითია იმის, რომ არქიტექტურაში ექსტრა სივრცის დამატება ისეა შესაძლებელი, რომ უნივერსალური დიზაინი მივიღოთ, რაც თავის მხრივ სტიგმატიზირებას გამორიცხავს.