დურგალმა, ადამ კოლიერ ვუდსმა, ორსართულიან ავტობუსში არა სახლი, არამედ სასტუმრო შექმნა. ამისთვის მას 6 თვე და 15 000 ევრო დასჭირდა. თავად ავტობუსი კი ადამმა ებეიზე 4 500 ევროდ შეიძინა. ამჟამად ავტობუს-სასტუმროში შეგხვდებათ ორი ორმაგი საძინებელი, ავეჯით, ხალიჩებით, სამზარეულოთი და არაჩვეულებრივი ხედებით. ავტობუსში ღუმლის დასადგამი ადგილიც აღმოჩნდა. სასტუმრო ექვს ადამიანს ემსახურება. როგორც ადამი ამბობს, მთლიანი პროექტი ერთი მასიური რეცირკულაციის მაგალითია. ავტობუსი, რომელიც უკვე დაძველდა და აღარ ვარგოდა, ფუნქციურად კვლავ გამოსადეგარი გახდა

არქიტექტურულმა კომპანია, „ვინკელმენმა“, გადასაკეთებლად 1959 წლის „შევროლეს“ მინიავტობუსი აირჩია. მისი სახლად გადაქცევა იმ მომხმარებლისთვის შესრულდა, რომელიც თავისი ოჯახისთვის მულტიფუნქციურ სატრანსპორტო საშუალებებს ეძებდა. ასევე მას სურდა სახლში დიდი, სასტუმრო საძინებელი ყოფილიყო. ავტობუსისა და სახლის კომბინაცია კი იმდენად ლამაზი გამოვიდა, რომ ამ შედეგს არავინ ელოდა. ეს არის მოძრავი კოტეჯი, რომელიც ფუნქციურთან ერთად, მოდურიცაა. აქამდე, მანქანა იმდენად დაზიანებული იყო, რომ არქიტექტურულმა კომპანიამ ის, ფაქტობრივად, ახლიდან ააშენა, თუმცა თავისი ავთენტური, ვინტაჟური სტილი შეუნარჩუნა. ლამაზ ექსტერიერთან ერთად, ინტერიერიც საკმაოდ საინტერესოდ არის დატვირთული. ეს არის პანკური, ჰიპური და მოროკოული სტილის ნაზავი, რაც, თავისთავად, სახლს ახალ და ორიგინალურ ხედს სძენს. 60-იანების მუხტი გაჯერებულია მულტიფერების მძივებით, მოროკოული სტილის პრინტებითა და ფოჩებიანი სანათურებით. რაც შეეხება ძირითად მასალას, გამოიყენეს მუხა, რომელიც იატაკის სიძლიერეს უზრუნველყოფს.