ფოტოგრაფიის განსაკუთრებულობა იმაში მდგომარეობს, რომ ნებისმიერი ასაკის ადამიანს შეუძლია დაკავდეს ამ საინტერესო ჰობით. არ აქვს მნიშვნელობა რამდენი წლის ბრძანდებით, მთავარია ფოტოების გადაღება გიყვარდეთ და გიტაცებდეთ. არც განსაკუთრებული უნარ ჩვევების ქონაა აუცილებელი იმისათვის, რომ ფოტოები გადაიღოთ. არ არის აუცილებელი პროფესიონალის დონეზე ერკვეოდეთ ფოტოგრაფიაში, უბრალოდ აიღეთ კამერა და შეუდექით თქვენთვის სასურველი ფოტოების გადაღებას, თუ რას გადაუღებთ ეს უკვე თქვენს გუნება-განწყობაზეა დამოკიდებული. შეგიძლიათ თქვენი შვილის ცხოვრების განსაკუთრებული მომენტები აღბეჭდოთ ან უცნობ ადამიანებს გადაუღოთ პორტრეტები, შეგიძლიათ თქვენს ბაღში გაზრდილი ყვავილები დააფიქსიროთ ან უღრანი ტყე და მიტოვებული სოფელი. მთელი ხიბლი იმაშია, რომ თქვენ არაფერში ხართ შეზღუდულნი.

ალბათ ფიქრობთ, რომ აქეთ-იქით სიარული და ფოტოების გადაღება მათთვისა, ვისაც ბევრი თავისუფალი დრო აქვს, თუმცა ეს ასე არ არის. არ იფიქროთ, რომ თქვენი გადატვირთული გრაფიკის გამო, ვერ შეძლებთ ამ ჰობით დაკავდეთ. ფოტოკამერა, ხომ ყოველთვის შეგიძლიათ თან ატაროთ. ნებისმიერ თავისუფალ წამს კი უბრალოდ დააჭირეთ ღილაკს თითი და დააფიქსირეთ მომენტი. არც იმაზე, იდარდოთ, რომ ძვირადღირებული აპარატის ქონა დიდი ფუფუნება, დამიჯერეთ არ არის აუცილებელი პროფესიონალური კამერა და განსაკუთრებული აღჭურვილობა იმისათვის, რომ კარგი ფოტოები გადაიღოთ. მთავარი თქვენი ხედვა და მონდომებაა, დროთა განმავლობაში კი აუცილებლად დაიხვეწება თქვენი, როგორც ფოტოგრაფის უნარ-ჩვევები.

გახსოვდეთ, რომ ჰობის ქონა ადამიანისთვის აუცილებელია, რადგან საყვარელი საქმიანობით დაკავება ყველა ჩვენგანს სჭირდება თვითრეალიზაციისა და სიმშვიდისთვის. ფოტოგრაფია კი მარტივად შეიძლება გახდეს თქვენი საყვარელი ჰობი, რადგან ის არ მოითხოვს ბევრ ძალისხმევას. თქვენი გადაღებული ფოტოები დაგაკავშირებთ წარსულთან, ძველ ემოციებთან და სასიამოვნო მოგონებებთან, ეს კი ამ ყველაფერს მეტ ხიბლს შესძენს. თუ თქვენ გადაწყვეტ დაკავდეთ ფოტოგრაფიით ნამდვილად არ ინანებთ, იქნებით მუდმივ ძიებაში და ყოველთვის დაიჭერთ იმ წამს, რომელსაც თქვენთვის დიდი მნიშვნელობა აქვს.