აი, როგორია ჰაი-ტეკის სტილში აშენებული სახლების ტიპური მახასიათებლები: ისინი დიდი ზომის სტრუქტურებია - მსხვილი და მარტივი ფორმები, სუფთა ხაზები, კუბიზმისა და კონსტრუქტივიზმის ელემენტები. რაც შეეხება ამ სტილის ინტერიერს, ის მინიმალისტურ სტილშია გადაწყვეტილი. ფასადებისთვის გამოიყენება შემდეგი მასალები: ბეტონი, მინა, მეტალი და პლასტმასი. დეკორი კი ფასადისა და ინტერიერის შემთხვევაშიც, მინიმალურად ფუნქციონირებს. ჰაი-ტეკის სტილის სახლების სახურავები მაქსიმალურადაა დატვირთული. ისინი, ფაქტობრივად, რეკრეაციული ადგილებია. აქ შეიძლება შეხვდეთ აბანოებსა და სათამაშო მოედნებსაც კი. მეორე ვარიანტია, როცა სახურავი გამჭვირვალე მინისგან არის დამზადებული, რაც შესაძლებლობას ქმნის, მზის შუქის მაქსიმალურ ათვისებას. ფასადის ფერთა გამა თავისი სიცივითა და სიმკაცრით გამოირჩევა. აქტიურად გამოიყენება მეტალისფერი ჩრდილები. ჰაი-ტეკის სტილისთვის მნიშვნელოვანია მზის შუქი, ამიტომ მისთვის დამახასიათებელია პანორამული ფანჯრები. კედლები ხშირად მინისგან არის ნაშენი, რაც მაქსიმალურ გამჭვირვალობას იძლევა. ჰაი-ტეკის სახლების ეზოებში დიდი ხეების ნაცვლად, პატარა გაზონებს შეხვდებით. თუმცა, ამ ბოლო დროს, დიზაინერები აღნიშნავენ, რომ ეს სტილი ბუნებასთან დაახლოებას ცდილობს. მაგალითად, ფასადების დეკორირებისას ხის მასალაც შეიძლება შეგხვდეთ.

მთლიანობაში, ჰაი-ტეკი რამდენიმე მიმართულებად შეიძლება დავყოთ, რომლებსაც თავიანთი ინდივიდუალური მახასიათებლები აქვთ. მაგალითად, ინდუსტრიული ჰაი-ტეკის სტილში აგებული სახლებისთვის სამრეწველო ესთეტიკაა დამახასიათებელი (მილები, მეტალის ელემენტების მთლიანობა, სიმძიმე). გეომეტრიული ჰაი-ტეკი კი ამ სტილის ერთ-ერთი ყველაზე პოპულარული მიმდინარეობაა. ის გამოირჩევა რთული კონსტრუქციებით, პროპორციებითა და ტრადიციული ელემენტებისგან შექმნილი ფორმით. კონსტრუქტივიზიმი და კუბიზმი - მისი ინსპირაციის წყაროა. ბიონური ჰაი-ტეკი ე.წ ორგანული არქიტექტურაა ბუნების ფორმებისა და სტრუქტურების დაცვას ცდილობს. ამ შემთხვევაში, სწორი ხაზების ნაცვლად, მისთვის მიღებული მრგვალი ფორმებია. მემბრანული გადახურვა კი მას ყველა დანარჩენისგან გამოარჩევს.

კერძო სახლებს, რომლებიც ჰაი-ტეკის სტილშია აშენებული, ხშირად აქვთ საკუთარი წყლის გადამუშავების სისტემა, რომელიც წვიმის წვეთების შეგროვებას გულისხმობს. ეს უკანასკნელი კი ბუნების დაცვის წესებთან თანხვედრაში მოდის.