2015 წელს გამართულ ღონისძიებაზე 65 ქვეყანა მონაწილეობდა. მონაწილეთა რაოდენობა კი 1 200-ს უტოლდებოდა. პირველ ოთხ ადგილზე გასულ გამარჯვებულს ფულადი სახის პრიზები გადაეცათ: 500 $-დან 1500 $-მდე. ამ წელს ჟიურის წევრების რიგებს იკავებდნენ არქიტექტურის, დიზაინის და პროფესორთა მრავალპროფილური „არმია“. გამარჯვებული ზიგენგ ვანგი გახდა. მის ნამუშევარს „სიცარიელე“ ჰქვია. ის აღწერს გლობალიზაციის ფონზე არამდგრად ეკოლოგიას, მოდერნიზაციის დამცინავ, მანკიერ ციკლს ტოტალიტარიზმის პირობებში. მთავარი მიზანი კი კაპიტალისტური აქტივობის შედეგად მიღებული გეოგრაფიული ლანდშაფტის წინააღმდეგობების გამოვლენა და გლობალიზაციის შესახებ კითხვების დასმაა. „მომავალი დისტანციურ ცნებად გვეჩვენება, მაგრამ ფაქტია, რომ ის ახლა ხდება. „სიცარიელეში“ ვეცადე შემექმნა უახლოესი მომავლის ზღაპარი, რომელიც გეოპოლიტიკურ ძალებს, ტექნოლოგიას და შეუკავებელ ამბიციებს გააერთიანებდა არქიტექტურული ხედვით“, - ამბობს შემოქმედი.

2016 წელს კი მონაწილეების რაოდენობამ 1 500-ს მიაღწია. ღონისძიებას 67 ქვეყანა შეუერთდა. პირველი ადგილი ალან მასკინის, ჯერომ ტრაიონის, გაბრიელა ფრანკისა და ქეითი მილერის გუნდმა დაიკავა ნამუშევრით “მოგესალმებით მეხუთე ფასადზე“. ამბავს მაყურებელი გადაჰყავს მომავალ სამყაროში, რომელიც ახლანდელი მსოფლიოს მსგავსია. ის სავსეა ახალი გამოწვევებითა და შესაძლებლობებით. “ჩვენი წლევანდელი ნამუშევარი წარმოადგენს ურბანული სახურავების განხილვას, რომლებიც ქალაქის ზედა ფენებში დიდწილად უგულვებელყოფილია,“-ამბობენ ავტორები.

2017 წელს ზღაპრების ღონისძიება 6 თებერვალს ეროვნული მშენებლობის მუზეუმში, ვაშინგტონში ჩატარდება. აღსანიშნავია ის ფაქტიც, რომ არქიტექტურის მიერ მოყოლილ ამბებზე წიგნიც არსებობს, რომელშიც ყოველწლიურად 10 ფინალისტის ნამუშევარი შედის ხოლმე.