2016 წელს კი „Scott Whitby” სტუდიოს დიზაინით მოწყობილი გამოფენა ლონდონში, როიალ აკადემიაში გაიმართა. გამოფენა სახელწოდებით „მავერიკები - დაამსხვრიე ბრიტანული არქიტექტურის ყალიბი“. არაკონფორმისტებს არქიტექტურაში გადამწყვეტი როლი შეაქვთ, ამბობს გამოფენის კურატორი და წარმოგვიდგენს 12 დამოუკიდებელი და ლეგენდარული არქიტექტორის შემოქმედებას. ეს უკანასკნელნი აირჩიეს მათი უნიკალური სტილისა და ნონკომფორმისტული დამოკიდებულებების გამო. კურატორი ოვენ ჰოპკინსი თვლის, რომ ეს ზუსტად ის თვისებებია, რაც თანამედროვე ბრიტანულ არქიტექტურას ყველაზე მეტად სჭირდება. „მავერიკები ისინი არიან, რომლებსაც სჯერათ, რომ არქიტექტურა მხოლოდ სამყაროს ახლანდელი აღწერა არ არის, მას უფრო მეტი პოტენციალი აქვს: დაინახოს მომავალი და არა მარტო - იყოს მისი შექმნის ნაწილიც. 12 მავერიკ არქიტექტორებში შევიდნენ: რობერტ სმითსონი, ჯონ ვანბრუ, ჯეიმს ვაიეტი, ჯონ სოანე, ჩარლზ რობერტ კოკერელი, ჩარლზ მაკინტოში, ჩარლზ ჰოლდენი, ჰარი სტიუარტ რენდელი, ჯეიმს სტირლინგი, ცერიკ ფრაისი, FAT, ზაჰა ჰადიდი.

ლუიზიანას თანამედროვე ხელოვნების მუზეუმმა დაიწყო არქიტექტურული ნიმუშების სერიების წარმოდგენა, რომლებშიც პირველმა მონაწილეობა „Wang Shu-Amateur Architecture Studio“-მ მიიღო. ეს სერიები ეხება თანამედროვე არქიტექტურულ გამოწვევებსა და ახალგაზრდა თაობის არქიტექტორებს. სერიები ჩინეთში იწყება და მას არქიტექტორი ვანგ შუ და მისი მეუღლე ლუ ვენიუ წარუძღვებიან. წყვილმა საკუთარი სტუდიო 20 წლის წინ დაარსა, თავად ვანგი კი მსოფლიოში ყველაზე პრესტიჟული არქიტექტურული პრიზის მფლობელია. ამ გამოფენით ვანგი და ლუ ტრადიციულ ჩინურ კულტურასა და ფილოსოფიას გვაცნობენ. მიუხედავად ამისა, ვანგის არქიტექტურა ტრანსფორმაციითა და სტერეოტიპების დარღვევით ხასიათდება, ის ფუტურისტულიც კია. გამოფენა მოიცავს შენობის მოდელებს, ვიდეოს, ფოტოებს, ტექსტსა და ფილმებს.