დღევანდელობიდან, გამომდინარე მეცნიერები სულ უფრო აქტუალურად სწავლობენ ბუნებისა და ადამიანის ურთიერთობის მნიშვნელობას. უამრავმა კვლევამ დაადასტურა, რომ ბუნებასთან ხშირი კონტაქტი გვაძლიერებს ემოციურად და ზრდის ენთუზიაზმს, რაც თავის მხრივ ადამიანს სიცოცხლისუნარიანობას მატებს. კვლევებმა ასევე აჩვენეს, რომ ის დამიანები, რომლებიც მწვანე საფართან, პარკებთან და ტყესთან ახლოს ცხოვრობენ, ნაკლებად განიცდიან შფოთვასა და დეპრესიას. ეს კი პირდაპირ მიუთითებს იმაზე, თუ რაოდენ მნიშვნელოვანია ქალაქგეგმარების დროს მწვანე საფარზე ყურადღების გამახვილება.

საინტერესოა ისიც, რომ მცენარეებთან დიდხანს ურთიერთობა აძლიერებს ჩვენს იმუნიტეტს. მეცნიერებმა დაამტკიცეს, რომ მცენარეების მიერ გამოყოფილი ფიტონციდები-ბიოლოგიურად აქტიური ნივთიერებები, რომლებიც კლავენ ან ზღუდავენ ბაქტერიების, მიკროსკოპული სოკოებისა და უმარტივესთა ზრდა-განვითარებას, ასევე აძლიერებენ ადამიანის იმუნურ სისტემას. ეს ყველაფერი კარგად ესმით იაპონიაში, სადაც გამოცდილი პრაქტიკაა ტყეში სეირნობის თერაპია, რასაც „შინრინ-იოკუ“-ს იგივე „ტყის აბაზანებს“ უწოდებენ.

ალბათ ბევრი მეცნიერული დასკვნაა არაა საჭირო იმის მისახვედრად, რომ ბუნება ადამიანის საუკეთესო მეგობარია, რომელიც სასიცოცხლო ძალით გვავსებს. დარწმუნებული ვარ ყველა ჩვენგანს, გამოუცდია იმ სიმშვიდისა და ბედნიერების გრძნობა, რომელსაც ბუნებაში დასვენების შემდეგ იძენს. განვითარებული კრეატიულობა, გაუმჯობესებული მეხსიერება და ჯანმრთელობა, სილაღე და ბედნიერება, ამ ყველაფრის მიღება ბუნებისგან სრულიად უფასოდ შეგვიძლია. ამიტომ, არასდროს უნდა დავიზაროთ თუნდაც 15 წუთი პარკში სეირნობა, ჩვენი თავისუფალი დრო მაქსიმალურად უნდა დავუკავშიროთ ბუნებაში რეკრეაციას, რათა დავძლიოთ ყოველდღიურობისგან შექმნილი უარყოფითი გავლენა და ახალი ძალებით დავიწყოთ ყოველი დღე.