ეს ულამაზესი ხის სასტუმრო შვედეთის პატარა სოფელ ჰარადის მახლობლად მდებარეობს. ის არქიტექტორთა ჯგუფმა „Tham & Videgård Arkitekter“ 2010 წელს ააშენა. 4x4x4 მეტრის „ყუთის“ კედლები სარკისებური მინით არის დაფარული. თავად კი ალუმინის ჩარჩოსგან არის დამზადებული. სასტუმროს ექსტერიერი ცასა და ბუნებას აირეკლავს, რაც კამუფლაჟის ეფექტს გვაძლევს. ინტერიერი არყის ხის ზედაპირიანი ფანერისგან არის დამზადებული, 6 ფანჯარა სრულ, 360 გრადუსიან, პანორამულ ხედს იძლევა. სასტუმრომდე მისვლაში 12-მეტრიანი ხიდი დაგეხმარებათ. თავად ადგილი ორი ადამიანისთვის არის განკუთვნილი. აქ არის: ორმაგი საწოლი, პატარა აბაზანა, ტერასა და მისაღები ოთახი. იმისათვის, რომ სარკისებრ კედლებზე ჩიტების შეძახება თავიდან აეცილებინათ, მასზე გამჭვირვალე ულტრაიისფერია ლამინირებული, რაც მხოლოდ ფრინველებისთვისაა ხილული.

ხის სასტუმროს ერთ-ერთი თვალწარმტაცი ნიმუში კი სამხრეთ აფრიკაში, „ლომების ქვიშის“ ნაკრძალში გვხვდება. მინის უზარმაზარი ფურცლები ხესთან ტანდემში არაჩვეულებრივ ეფექტს გვაძლებს. ინტერიერი თანამედროვე სტილშია გადაწყვეტილი და ძირითადად ამ ოთხ ფერს შეხვდებით: ნაცრისფერი, თეთრი, ელეგანტური შავი და იასამნისფერი. რადგან სასტუმრო, ფაქტობრივად ნაკრძალის შუაგულშია, სიფრთხილისთვის მას ორმაგი დამცავი კარი აქვს. ასევე ეს ადგილი თავისი უნიკალური ფანჯრით გამოირჩევა, რომელსაც ხედის შეცვლა შეუძლია. ადგილი მხოლოდ ორ ადამიანს იტევს. თავად ნაკრძალი ამ სასტუმროს გარდა, კიდევ ორ დელუქსის ხის სასტუმროს მოიცავს.

საფრანგეთში, ბორდოდან 100 მილით დაშორებულ სიმწვანეში ეს მომნუსხველი „ციხე-დარბაზი“ მდებარეობს, რა თქმა უნდა ხეზე. დორდოგნეს სასახლეები ამ 4 ულამაზესი შენობის ინსპირაციად იქცა. ამ ოთხიდან არცერთი არ არის ერთმანეთის იდენტური . თითოეული მათგანი ინდივიდუალურად არის შექმნილი. აქ შეხვდებით: ფინურ საუნას, აზიურ ინტერიერს, დეკორატიული რკინის ნამუშევრებს და თვალწარმტაც ტერასას.