დღესდღეობით, მსოფლიოში მილიარდზე მეტი მანქანაა. აქედან გამომდიანრე, სამწუხაროდ, ჩვენ ვერ გავექცევით გამონაბოლქვს, ხმაურსა და დაბინძურებას. ღონისძიება „დღე მანქანის გარეშე“ კი ადამიანებს ერთი დღით მოუწოდებს, სახლში დატოვონ თავიანთი ავტომობილები და მათ ნაცვლად სხვა ალტერნატივა სცადონ. რატომ უნდა აღნიშნოთ ეს დღე? მაგალითად, იცოდით თუ არა რომ საჯარო ტრანსპორტის გამოყენება პირადი ავტომანქანების ხარჯზე, ნაკლებ დაბინძურებას იწვევს? ასევე საცობის შექმნის ნაკლები შანსი არსებობს. ავტომანქანების ნაცვლად, სხვა სატრანპორტო საშუალებებს თქვენი მოგზაურობის დროის შემცირება შეუძლიათ, მაგალითად, მეტროს. ნაკლები ავტომანქანა ნაკლებ დაბინძურებას და ნაკლებ ხმაურს გულისხმობს. ეს ბუნებასთან უფრო დაგაახლოვებთ. თქვენ ფულის ეკონომიაც კი შეგიძლიათ გააკეთოთ, რადგან ის აღარ დაგეხარჯებათ ბენზინში ან მანქანის შეკეთებაში. ფეხით ან ველოსიპედით სეირნობა კი თქვენს ჯანმრთელობაზეც დადებით ზეგავლენას მოახდენს.

სხვადასხვა ქვეყნებში ამ დღეს განსხვავებულად აღნიშნავენ. მაგალითად, ინდონეზიის დედაქალაქ ჯაკარტაში 2012 წლიდან მოყოლებული, ყოველი კვირა დღე მანქანებისგან თავისუფალია. ისრაელში კი, სადაც ამ ღონისძიებას ოფიციალური სახე არ აქვს, ყოველი 22 სექტემბერი უმანქანოდ 24 საათზე მეტხანს გრძელდება. ეს კი არა მარტო პირად ტრანსპორტს, არამედ საჯაროსაც კი ეხება. 2017 წლის 22 სექტემბერს ამ საერთაშორისო ღონისძიებას თბილისიც შეუერთდება.