იმ ქვეყნებში, სადაც ნარჩენების დახარისხება ხდება, სხვადასხვა ფერის ნაგვის კონტეინერები არსებობს. მწვანე შუშის ბოთლებისა და ჭიქებისთვის არის განკუთვნილი, ლურჯი - გაზეთებისთვის, ჟურნალებისა და სხვა ბეჭდური გამოცემებისთვის, ყვითელი - მუყაოს პაკეტებისთვის, შავი - ორგანული და საკვების ნარჩენებისთვის, ყავისფერი - საშიში ნარჩენებისთვის (ბატარეებისთვის), წითელი - გადაუმუშავებული ნარჩენებისთვის, ოქროსფერი - პლასტმასის ბოთლებისა და მათი შეფუთვისთვის.

ნაგვის გადამუშავების მხრივ, ავსტრია მსოფლიოში წამყვანი ქვეყანაა და ყველაზე მაღალი მაჩვენებლით გამოირჩევა. ამ ქვეყანას ნაგავსაყრელებიდან ნარჩენების გადატანის ხანგრძლივი ისტორია აქვს. გარდა ამისა, ავსტრიის კონსტიტუციის თანახმად, მუნიციპალური ნარჩენები ფედერალურ და პროვინციულ მთავრობებს შორის იყოფა. ასევე არსებობს 2002 წელს შემუშავებული აქტი, რომელიც ნარჩენების მართვას განკარგავს. გერმანია ავსტრიას არ ჩამორჩება. აქ ნაგავსაყრელიდან ნარჩენების 62 პროცენტი მუშავდება. ამ მოწინავე ქვეყნებს ტაივანიც ფეხს უწყობს, რის შედეგადაც ნაგვის გადამუშავება 60 პროცენტს შეადგენს. მას მოსდევს სინგაპური - 59 პროცენტი, სამხრეთ კორეა - 49 პროცენტი, დიდი ბრიტანეთი - 39 პროცენტი, იტალია - 36 პროცენტი და საფრანგეთი - 35 პროცენტი. ნაგვის გადამუშავების ალტერნატიული მიდგომა კი ეგვიპტეში გვხვდება. მაგალითად, კაიროში თქვენ „ნაგვის ადამიანებს“ შეხვდებით. ისინი ურბანულ ნარჩენებს აგროვებენ, ანაწილებენ და გარდაქმნიან. ამ სისტემას ოფიციალური და თანამედროვე გადამუშავების აღჭურვილობა არ გააჩნია. მიუხედავად ამისა, ნაგვის 80 პროცენტი რეციკლირებულია. ანალოგიურად გადამუშავების დონე ბრაზილიაშიც მაღალია. ქვეყანამ 2014 წელს ალუმინის გადამუშავებაში რეკორდი მოხსნა.