ღია ფერების გარდა, პოპულარული მუქი ფერებიც იქნება. ისინი ატმოსფეროში მისტიკურობის ელფერს შემოიტანენ. ამ შემთხვევაში, ყველაზე პოპულარული ფერი ნაცრისფერია. მისი დახმარებით, ოთახში ინტიმურ გარემოს შექმნით. ნაცრისფერის, შავისა და თეთრი ფერების ტანდემი წელს პოპულარობის ზენიტშია. 2017 წლის ტენდენცია MDF-ის პრიალა ფასადებისა და ხის დეკორების კომბინაცია იქნება. ლამაზი ტექსტურა და თბილი ფერები სააბაზანო ოთახში მყუდრო ატმოსფეროს ქმნის. აქტუალურია შემდეგი მატერიები: ქვა, ბეტონი და მეტალი. გემოვნებით შეუხამეთ ისინი კარადის ჩარჩოს. თუ სააბაზანო ოთახისთვის, არაბანალურ იდეებს ეძებთ, თანამედროვე ტენდენციები ამის გასაქანსაც გაძლევთ. 3D სტრუქტურის კერამიკული ფილები დეკორის მთავარი ელემენტი გახდება. ის შესანიშნავი და ულამაზესი ფონია უბრალო ავეჯისა და მინიმალისტურ სტილში გადაწყვეტილი სანტექნიკისთვის. 3D მოტივებზე შექმნილი ავეჯი და ფერის თამაში განსაკუთრებულ ეფექტს ქმნის ოთახში. მსგავსი დიზაინი უნიკალურ ხასიათს ატარებს.

2017 წლისთვის კვლავ მოდური იქნება შავი და თეთრი გრაფიტის შეხამება. ეს კომბინაცია განსაკუთრებულ ხასიათს შესძენს ოთახს. თანამედროვე სააბაზანო ოთახი აქსესუარების გარეშე წარმოუდგენელია. მთავარია მრავალფეროვან არჩევანში არ დავიკარგოთ. მაგალითად, არასწორად შერჩეულ აქსესუარებს ოთახის საერთო სურათის დამახინჯება შეუძლიათ. გამჭვირვალე თაროებსა და სასაპნეებს ყველგან შეხვდებით. მათი დამაგრება ჩვეულებრივი მაგნიტითაცაა შესაძლებელი. აბაზანის ფორმა უამრავია: მრგვალი, ოვალური, კვერცხის ფორმის, კვადრატული. მთავარია იცოდეთ, ზუსტად რა ზომის გსურთ. რაც შეეხება სარკეს, მას მარტივი ფორმები და თხელი ჩარჩო უნდა ჰქონდეს. თუ პატარა სააბაზანო ოთახი გაქვთ, გაითვალისწინეთ, რომ აქ ყველაფრის განლაგება არ შეიძლება. მაგალითად, სარეცხის მანქანის დადგმის დროს, ეს მთავარი წესი გაითვალისწინეთ: დადგით ის ნიჟარის ქვევით. ასეთი ნიჟარები მაქსიმალურად გამძლე უნდა იყოს. რაც შეეხება განათებას, ერთი მთავარი განათების წყარო მოდური აღარ არის. აირჩიეთ, ბევრი განათება, რომელსაც სააბაზანოში სხვადასხვა ადგილას გადაანაწილებთ.