მთაში დასვენება იდეალურია მათთვის, ვისაც სტრესის შემცირება და ჯანმრთელების გაუმჯობესება უნდა. სუფთა ჰაერი, განსხვავებული ტემპერატურა, ულამაზესი ბუნება და სიმშვიდე - აი რას გპირდებათ მთა. მთაში დროის გატარება, როგორც აქტიური, ისე პასიური დასვენების მოყვარულთათვისაა შესაძლებელი. არ აქვს მნიშვნელობა ამ ზაფხულს თავგადასავლებს ეძებთ, თუ უბრალოდ მშვიდად გსურთ დროის გატარება. მთიანი გარემო ის ადგილია, სადაც ამ ყველაფრის განხორციელება შეგიძლიათ. უამრავმა კვლევამ დაადასტურა, რომ მშვიდ და ჯანსაღ გარემოში დასვენება ადამიანის ფიზიკურ და მენტალურ ჯანმრთელობაზე დადებითად აისახება.

როდესაც თქვენ შორდებით ყოველდღიურ რუტინას და მთელ დღეს ბუნებაში ატარებთ, სტრესი და დაძაბულობა იკლებს. მთის სუფთა ჰაერი დადებითად მოქმედებს თქვენს ნერვულ სისტემაზე და გეხმარებათ მღელვარების, გაღიზიანების და შფოთვის დაძლევაში. მთის კლიმატი არაჩვეულებრივია მათთვის, ვისაც ასთმა და ბრონქული დაავადებები აწუხებს. ამავდროულად, კვლევებით დადგენილია, რომ ისინი ვინც მთაში ცხოვრობენ ნაკლებად იტანჯებიან ჭარბი წონითა და გულის იშემიური დაავადებებით. ასე, რომ თუ თქვენ ჯანმრთელობაზე ზრუნავთ და ფიზიკური და მენტალური გაჯანსაღება გსურთ, მთა ნამდვილად ისაა, რაც გჭირდებათ.

როგორც, უკვე აღვნიშნეთ მთაში დასვენება არათუ პასიური, არამედ აქტიური ადამიანებისთვისაც იდეალურია. თქვენ შეგიძლიათ დაგეგმოთ ლაშქრობა, კლდეზე ცოცვა, ველოსიპედით, მთიანი ადგილების მოვლა და სხვა სათავგადასავლო აქტივობები. მშვენიერი და იდუმალი ბუნება, ახალ-ახალი, უცნობი და საინტერესო ადგილების აღმოჩენა აუცილებლად დააკმაყოფილებს თქვენს მოთხოვნებსა და სათავგადასავლო სურვილებს. ასე, რომ შეარჩიეთ სასურველი ადგილი და კარგად დაგეგმეთ თქვენი დასვენება. თუ თქვენ სუფთა ჰაერი, ლამაზი, მშვიდი ადგილები და ამავდროულად თავგადასავლები გიზიდავთ, მაშინ მთაში დასვენება თქვენთვის იდეალური გამოსავალია. საბედნიეროდ ჩვენს ქვეყანაში, ამ მხრივ უამრავი საინტერესო არჩევანია, რომელიც მთაში დასვენების მოყვარულებს აღფრთოვანებულს დატოვებს.