ნაცრისფერი საძინებელი სულ უფრო აქტუალური ტრენდია, რომელსაც ძალიან ბევრი თაყვანისმცემელი ჰყავს. მგონი ყველა ვთანხმდებით იმაზე, რომ ამ ოთახში უნდა სუფევდეს სიმშვიდე და ამავდროულად, ის სავსე უნდა იყოს ენერგიით. ნაცრისფერი კი ამ მოთხოვნებს ნამდვილად აკმაყოფილებს. ძალიან გავრცელებულია ნაცრისფერის მუქი და ღია ელფერების გამოყენება, რაგან ის არაჩეულებრივად ეხამება, როგორც მეტალის, ისე ხის ზედაპირს. ასევე, ნაცრისფერი უხდება ნებისმიერ სხვა ფერს სწორედ ამიტომ, საძინებლის მოწყობა ამ ფერებში ძალიან მარტივია.

მიუხედავად იმისა, რომ ნაცრისფერი საძინებელი კარგი არჩევანია, ყველა კედლის ერთიდაიგივე ელფერით შეღებვა ძალიან მონოტონურია. ასეთ ეფექტი კი ზედმეტად ამძიმებს გარემოს და თუ თქვენ სრული მინიმალიზმის მოყვარული არ ბრძანდებით გირჩევთ, ნაცრისფერი სხვა ნეიტრალურ ფერს შეუხამოთ, მაგალითად თეთრს. თეთრ-ნაცრისფერში მოწყობილი ოთახი ელეგანტური, მოდური და მშვიდია. აქსესუარების შერჩევაც მარტივია, რადგან ამ ორ ფერს ყველაფერი უხდება.

ნაცრისფერი ასევე შეიძლება უფრო მკვეთრ ფერებსაც შეუხამოთ, როგორებიცაა წითელი, პიტნისფერი და სხვ. მთავარია, რომ დომინანტ ფერად ნაცსრიფერი დარჩეს, ხოლო დამატებითი ფერი მხოლოდ რამდენიმე ადგილას იყოს გამოკვეთილი. წითელ-ნაცრისფერ ფერებში გადაწყვეტილი საძინებელი რამდენიმე წლის წინ შემოვიდა მოდაში და აქტუალობა დღესაც არ დაუკარგავს. წითელი ფერის დანამატები საოცრად აცოცხლებენ ოთახს. ფერთა შეხამების დროს ყურადღება უნდა გაამახვილოთ ელფერებზე. ერთმანეთ უხდება ღია ნაცრისფერი და მკვეთრი წითელი, ან ჟოლოსფერ-წითელი და მუქი ნაცრისფერი. რაც შეეხება პიტნისფერს, ის ერთგვარ სიახლს შესძენს ოთახს. ამ ტანდემის შემთხვევაში შეიძლება თეთრი ან კრემისფერის გამოყენებაც.