ზოგიერთი ნეოეკლექტიკური შენობა საერთოდ სხვადასხვა ისტორიულ სტილს აერთიანებს. მაგალითად, ერთ სახლში შეიძლება შეხვდეთ კეიპ-კოდის, ტიუდორული აღორძინებისა თუ ფრანგულ პროვინციულ ელემენტებს. სახლების უმეტესობის ფოკუსი ერთი აღორძინების სტილს მოიცავს. სხვადასხვა ისტორიული სტილები კი სხვადასხვა რეგიონში დომინირებს ხოლმე. მაგალითად, კალიფორნიაში პოპულარობით ხმელთაშუაზღვისპირული აღორძინების და ესპანური კოლონიური აღორძინების სტილი საარგებლობს. ნეოეკლექტიკურ არქიტექტურაში აღორძინების ელემენტები უმეტესწილად დეკორატიული სახით გვხვდება. ეს ძირითადად მეორეული ელემენტებია, მაგალითად ფანჯრები ან გარსაკრავები. ამ არქიტექტურულ სტილს ახასიათებს: ორი ან უფრო მეტი სართული, იმიტირებული ისტორიული სტილები, მრავალჯერადი სახურავის ხაზები, აგურის ან ქვის ფანერები, ღია ინტერიერის სივრცეები. მეორეული სტილისტური მახასიათებლები კი მოიცავს ბილიკებს, დაუმთავრებელ სხვენებს, ვინილის ფანჯრებს, შერეულ სინთეტურ მასალებს, მრავალსართულიან ავტოფარეხებს. ნეოეკლექტიკურ ნაგებობებში სადარბაზოებს ვერ შევხდებით.

ნეოეკლექტიკური შენობებს ასიმეტრიულობით გამოარჩევთ. ასიმეტრიულობა სახლებს მეტ სიღრმეს ანიჭებს. ამ სტილისთვის დამახასიათებელია ძირითადად მწვანე და ყავისფერი ფერები, თუმცა ფანჯრები ძირითადად უფრო მუქ ჩრდილებშია გადაწყვეტილი. გარედან ნეოეკლექტიკური სახლები თავიანთი დეკორატიული საგნებით მიგიზიდავთ. ძირითადად აქცენტი კეთდება: ფანჯრის ყუთებზე, ჟალუზებზე, ვიქტორიანული სტილის ფანჯრებზე, მანსარდის სარკმელებზე. სახურავი ძირითადად გზის პერპენდიკულარულია. ამ სტილის ნაგებობებში ბუნებრივ ხეს ყველაზე ხშირად შეხვდებით. ეს შეიძლება იყოს: სკამები, სვეტები, დეკორატიული მაგიდები... ნეოეკლექტიკური სახლები ფანჯრების სიმრავლით გამოირჩევა, რაც შიდა სივრცეში ბუნებრივი სინათლის გავრცელებას ხელს უწყობს. ფანჯრები სხვადასხვა ტიპის შეიძლება იყოს: ერთმაგი, ორმაგი, ბაღის, დეკორატიული, V-ფორმის. რაც შეეხება მატერიებს, ხის გარდა აქ გამოიყენებენ: ქვას, აგურს, ნაჭედ რკინასა და ვინილს. უკანასკნელ წლებში, ამ სტილის სახლებში სამზარეულოს როლიცა და ზომაც საკმაოდ გაიზარდა და მისაღები ოთახის ზომასაც კი გაუსწრო.

უკანასკნელი 3 დეკადის განმავლობაში, ჩრდილოეთ ამერიკაში ნეოეკლექტიკური სახლები უფრო მეტად გვხვდება, რაც მის პოპულარობასა და ეფექტურობაზე მიგვითითებს.