ისევე, როგორც სხვა ყველაფრი ნეკლასიკური სტილიც დროთა განმავლოაში იცვლება. სწორედ ეს თვისება, აქტუალურ დიზაინერულ იდეებთან შეწყობა და თანამედროვე მატერიებთან ადაპტაცია აძლევს ამ სტილს საშუალებას იყოს პოპულარული, როგორც დიზაინერებს, ისე ბინის მფლობელებს შორის, რომლებსაც სურვილი აქვთ თავიანთი საცხოვრებელი თავადვე გააფორმონ. თუ თქვენ ამ სტილში აპირებთ სახლის მოწყობას, მაშინ აუცილებელია იმ ძირითადი მახასიათებლების გაცნობა, რაც ნეოკლასიკურ სტილს ახასიათებს.

ბუნებრივი ფერთა გამა - ამ სტილში უპირატესობა ყოველთვის ბუნებრივ ფერებს ენიჭებათ. თეთრი ფერის ყველა ელფერი, ქვიშისფერი, კრემისფერი, ნაცრისფერი, ყავისფერი, ოქროსფერი - ეს ის ფერებია, რომლებიც ძირითად, საბაზისო ტონებს ქმნიან ზოგადი განწყობის შესაქმნელად. სხვა, უფრო მუქი, ან მკვეთრად ნათელი ფერები გამოიყენება აქცენტების გასაკეთებლად და ძრითადი გეომეტრიული თვისებურებების ხასგასასმელად.

სტილისთვის ასევე დამახასიათებელია სიმეტრია. სწორედ ამ მიზეზით, ხშირად დიზაინერები ოთახში სარკისებურ განლაგებას ირჩევენ, რათა სივრცე უფრო დიდი გამოჩნდეს. გახსოვდეთ, ავეჯის, ტექნიკის, დეკორაციების განლაგებისას აუცილებლად დაიცავით სიმეტრია და სიმსუბუქე. საინტერესოა ისიც, რომ ამ სტილში თავს იყრის ისეთი კლასიკური ელემენტები, როგორებიცაა: თაღები, მდიდრული ჭაღები, კოლონები, ანტიკვარული შანდლები, რბილი, ბარხატის ავეჯი და სხვ. რა თქმა უნდა, სახლის მოწყობისას თქვენ თავისუფალი ხართ არჩევანში და არ არის აუცილებელი ყველა დეტალის ერთდროულად გამოყენება. ნეოკლასიკის მთავარი შტრიხი ხომ დახვეწოლბაა და არა ვულგარული გადატვირთულობა.