21-ე საუკუნის არქიტექტურულ სამყაროში მდგრადი დიზაინი უფრო მკვეთრად იკიდებს ფეხს. ეკომეგობრული შენობები უახლოვდება ბუნებას, ზოგავს ელექტროერგოენერგიასა და გადაამუშავებს ნაგავს. გლობალური დათბობისა და ეკოლოგიური კატასატროფების მოლოდინში, მსგავსი შენობები საჭირო და დროულია. სინგაპურში მდებარე ნაიანის ტექნოლოგიურმა უნივერსიტეტმა, არცთუ ისე დიდი ხნის წინ, 2015 წელს, ეკომეგობრული კამპუსის შენობა წარმოადგინა. 8-სართულიან ნაგებობას 12 კონუსის ფორმის კოშკი აქვს. ეს უკანაკსნელი კი მოიცავს ბუნებრივი ფოთლების დიზაინს, შიდა ვერტიკალურ გამწვანებასა და სახურავზე განლაგებულ ტერასებს. დიზაინი დიდი ბრიტანული არქიტექტურული ფირმის, „Heatherwick Studio“-ს, მიერ არის შემუშავებული. საკმაოდ ორიგინალური, გარდამავალი ფორმის მეშვეობით ზედა სართულებს შესაძლებლობა აქვთ ქვედა სართულები დაჩრდილონ. შენობას ასევე უნიკალური საივენტილაციო სისტემა აქვს, რომელიც ჰაერის განაწილებისთვის კონდიციონერსა თუ ვენტილიატორს არ მოითხოვს. ბუნებრივი ვენტილაცია მოძრაობს დერეფნების, კიბეების და ლიფტების გავლით. შენობის სხვა ეკომეგობრული უპირატესობებია: ენერგოეფექტური მსუბუქი და მოძრავი სენსორები, რომლებიც საკლასო ოთახებში, საპირფარეშოებსა და კიბეებზეა დამონტაჟებული. ისინი სტუდენტებსა და ლექტორებს მოქნილ განათებას სთავაზობს. 56 საკლასო ოთახი ჭკვიანი ტექნოლოგიით არის აღჭურვილი და მოიცავს ელექტრონულ თეთრ დაფებს, მრავალჯერად LCD ეკრანებს, უკაბელო საკომუნიკაციო საშუალებებს, მოქნილ, კომბინირებულ სავარძლებს, რომლებიც მცირე ჯგუფური დისკუსიებისთვის გამოიყენება.