2. http://paigebradley.com ამერიკაში დაბრუნებისთანავე (1994) მან მუშაობა სკულპტორ რიჩარდ მაკდონალდთან ერთად დაიწყო. ისინი მუშაობდნენ ერთად ისეთ დიდ პროექტზე, როგორიცაა „ალღო“. ეს სკულპტურა განკუთვნილი იყო 1996 წლის ოლიმპიური თამაშებისთვის. თავად ბრედლი ამბობს, რომ მისი ინსპირაცია - ეს კავშირია ბუნებასთან, სხვა ადამიანებთან და საკუთარ თავთან. ის აგრძელებ წინსვლას, საკუთარ სამუშაოს კითხვებზე, სიმართლის ძიებასა და სამართლიანობის პოვნაზე აგებს. ბრედლის მიზანია, რომ ჰქონდეს გამბედაობა - შექმნას ის, რაც რეალურია და არც ისე ლამაზი. თანამედროვე მგრძნობელობა დამატებული კლასიკურ ხელოვნებას - აი, ასე ქმნის ის ბრინჯაოს სკულპტურებს, რომლებიც ადამიანის გამოცდილებას გამოხატავენ. საკუთარი შემოქმედებისთვის სკულპტორი ირჩევს ისეთ თემებს, როგორიცაა: საკუთარი თავის პოვნა, განახლება, დაბადება, თავისუფლება, სულიერება, დრო, მიმღებლობა, ცნობიერება, ევოლუცია და ასე შემდეგ. ბრედლი ცდილობს ხელოვნება ისე გამოიყენოს, რომ მას გასაჯანსაღებელი და შთაგონების ფუნქცია შესძინოს. ამის შესანიშნავი მაგალითი მისი სკულპტურაა „იმედისა და სიძლიერის ბაფთა“, რომელიც 2012 წელს მინესოტაში ერთ-ერთი საავადმყოფოს გადასცა. 15-მეტრიანი ბრინჯაოს ბაფთა, მოცეკვავის სკულპტურას უჭირავს. მთლიანი ნამუშევარი ცეკვის განცდას შეგიქმნით. ბრედლის საწყისი ნამუშევრები კაცისა და ქალის ბრინჯაოს ფიგურებს მოიცავს. ამ სკულპტურებს შორისაა: „ბალანსი“ და „ყვავილობა“. შემდეგი სერიები კი 4 ფიგურას მოიცავს: “ზამთარი“, „ზაფხული“, „შემოდგომა“, „ზამთარი“. თითოეული მათგანი ბრედლის მეტაფორულ აზრებს გამოხატავს.

პეიჯ ბრედლის ყველაზე ცნობილი ნამუშევარი „ექსპანსია“ იგივე გაფართოებაა. ქალის ფიგურა, რომელიც ბრედლის წააგავს, ლოტოსის პოზიციაში ზის. მისი ნაპრალებიდან სინათლე გამოდის. ამას ბრედლის შემოქმედებაში სიმბოლური დატვირთვა აქვს: „იმ მომენტიდან, როდესაც ვიბადებით, მსოფლიოში სპეციალურად ჩვენთვის კონტეინერია აგებული. მათი სახელია: გენდერი, რასა, პროფესია. ხშირად ჩვენ გვსაზღვრავენ იმ კონტეინერით, რაშიც ვცხოვრობთ და არა იმით, რაც ჩვენშია. შეგვეძლება კი შევიცნოთ ჩვენი თავი, იმ შემთხვევაში თუ ჩვენ სხეულებს გავაფართოვებდით?“