დაივიწყეთ აბრეშუმი, ჩითი ან ხავერდი. ეს უკანასკნელნი ცხოველის ბეწვებსა და თმებს მაგინიტივით იზიდავენ. მათ ნაცვლად გამოიყენეთ სინთეზური ქსოვილები, რომლებიც ლაქების, სუნის, ბაქტერიების მხრივ მდგრადია. არაჩვეულებრივი ვარიანტია ტყავიც. ის მარტივად იწმინდება. თუ თქვენ მის გამოყენებას ირონიულად მიიჩნევთ, მაშინ მისი ხელოვნური ვარიანტი სცადეთ. მიკრობოჭკოვანი ქსოვილიც ასევე იდეალურია მათთვის, ვისაც სახლში ცხოველები ჰყავს. ისინი შეიძლება გარეცხოთ ხელით, სარეცხი მანქანით ან უბრალოდ გაწმინდოთ კიდეც. ერთ-ერთი უპირატესობა არის ის, რომ ცხოველების ბეწვებს მისგან მარტივად მოაშორებთ. რაც შეეხება ამ თემას, ავეჯისა და ქსოვილების ფერები თქვენი ოთხფეხა მეგობრების ფერებს შეუსაბამეთ. ამგვარად, მათი ბეწვების ხილვადობას შეამცირებთ. თუ თქვენს შინაურ ცხოველს თქვენივე საწოლში უყვართ ძილი, მატრასზე წყალგამძლე გადასაფარებელი გადააფარეთ. ასევე გამოდგება ნებისმიერი გარეცხვადი ქსოვილი, რომელიც მჭიდრო ნაქსოვს მოიცავს

ალბათ ყველა ცხოველთმოყვარულმა იცის, რა რთულია სახლში ოთხფეხა მეგობარიც გყავდეს და სუფთა ხალიჩაც იქონიო. ხალიჩები ხო სუნს იკიდებენ და ბეწვების მოშორება მათგან საკმაოდ რთული სამუშაოა. საუკეთესო გამოსავალი „შიშველი“ იატაკის ქონაა, მაგრამ ეს უკანასკნელი მოსაწყენი არ უნდა იყოს. მაგალითად, შეღებილი ბეტონი ვიზუალურად ლამაზიცაა და მისაღები ფასებიც აქვს. მერქნის იატაკი გასაწმენდად მარტივია. ისინი ოთახს სითბოს მატებს, თუმცა აქ ის ფაქტი აუცილებლად უნდა გაითვალისწინოთ, რომ დიდი ძაღლი მას მარტივად დაჩხაპნის. ყველაზე საუკეთესო ვარიანტი კი კერამიკული ფილებია. მისი გაწმენდა მარტივად შეგიძლიათ და ისინი ძალიან ელეგანტურად გამოიყურება. რაც შეეხება კედლებს, ისინი გამძლე საღებავით შეღებეთ, რომელიც, ამასთანავე, ნაფხაჭნის და ნაკაწრის მიმართ მდგრადი იქნება.

სახლში შინაური ცხოველის ყოლისას, ავეჯი თვეშ ორჯერ მტვერსასრუტით უნდა გაწმინდოთ ხოლმე. ასევე არ დაგავიწყდეთ, თქვენი ოთხფეხა ცხოველების დაბანა და გრუმინგიც. რეგულარული დაბანვა და დავარცხნა დიდი რაოდენობით ბეწვის ცვენის მტერია.